Црна хроника
Кичевец сакал да му помогне на сограѓанин, но го згмечил

Кичевец сакал да му помогне на свој сограѓанин, односно да го извлече неговото комбе, но го притиснал меѓу двете возила од што починал на лице место.
Несреќата се случила во вторникот околу 20.50 часот на регионалниот пат Демир Хисар-Кичево, на крстосницата кај село Големо Илино. Педесет и седумгодишен кичевец со автомобил „мерцедес“ се враќал наназад за да му помогне на својот педесет и осумгодишен сограѓанин при влечење на неговото комбе „фиат дукато“. Притоа удрил во него, додека тој стоел до паркираното комбе. Го притиснал меѓу двете возила, по што педесет и осумгодишниот кичевец починал на самото место.Смрт е констатирана од страна на лекар. Увид на местото на настанот извршила увидна екипа од СВР Битола, при што возилата се обезбедени за вештачење. По наредба на Јавен обвинител телото на починатиот е предадено за обдукција./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Скопјанец заврши во болница откако бил повреден со виљушкар

Вработен во приватна фирма се здобил со тешки телесни повреди додека извршувал работни задачи со виљушкар на паркинг на подрачјето на скопската општина Центар, информира Министерството за внатрешни работи.
Несреќата се случила во саботата, околу 13:45 часот, кога според пријавата поднесена во СВР Скопје, 48-годишниот Г.В. од Скопје бил повреден за време на неговиот работен ангажман.
МВР информира дека повредениот веднаш бил префрлен во приватна болница во Скопје, каде му биле констатирани тешки телесни повреди.
Од полицијата велат дека се преземаат мерки за целосно расчистување на случајот, а ќе се утврдува и дали биле почитувани прописите за безбедност и заштита при работа.
Топ
Избоден 15-годишник на Бит Пазар, 13-годишниот напаѓач е негов роднина

15-годишно момче било повредено со остар предмет синоќа во регионот на Бит Пазар, а според пријавата, нападот го извршил негов 13-годишен роднина.
Како што соопшти МВР, ноќеска околу 01.00 часот во СВР Скопје, 46-годишниот Ч.Х. од Скопје пријавил дека на 28 јуни, околу 21.00 часот, неговиот син бил повреден на подрачјето на Бит Пазар.
„Се работи на расчистување на случајот, а се преземаат соодветни мерки за утврдување на сите околности“, информираа од Министерството за внатрешни работи.
Според пријавата, сторителот е 13-годишник со кого жртвата е во роднинска врска. Засега не се познати мотивите за нападот, а полицијата води истрага.
Топ
Девојка (27) пронајдена мртва во Дебарско Езеро, Обвинителството истражува

Телото на 27-годишната С.А. од Дебар вчера беше пронајдено во водите на Дебарското Езеро.
Како што информираше ОВР Дебар, околу два метри од брегот на езерото, во близина на пумпната станица било пријавено за пронајдено тело во водите на езерото.
На местото веднаш пристигнале полициски екипи и јавен обвинител, кој наредил да се изврши увид и дополнителна истрага. Присутниот лекар од Општата болница во Дебар ја констатирал смртта, при што не биле пронајдени видливи траги на насилство.
По наредба на јавниот обвинител, телото на починатата е предадено на обдукција за да се утврдат точните причини за смртта.
Од ОВР Дебар велат дека сите околности поврзани со случајот се предмет на натамошна истрага, а јавноста ќе биде информирана по добивањето на резултатите од обдукцијата.