Црна хроника
Кривични пријави против тројца разбојници од Скопје
СВР Скопје до надлежното ОЈО Скопје, поднесе кривична пријава против лицата А.Т.(22), П,Ј,(30) и М.А.(20) сите од Скопје, поради основано сомнение дека извршиле две кривични дела ,,разбојништво“ при што се здобиле со противправна имотна корист од околу 29.240 денари. Од страна на судија во претходна постапка на А.Т. и П.Ј. одредена им е мерка притвор во траење од 30 дена, додека М.А. се наоѓа во бегство.
Кривичните дела пријавените ги извршиле на 29-ти и 30-ти октомври во раните утрински часови на подрачје на Центар и Карпош. Првото кривично дело го извршиле на 29-ти октомври, на булевар ,,Мајка Тереза“ во маркетот „Пингвин ММ компани“, на тој начин што застанале во кругот од Клиничкиот центар, во просторот од клиниката за метадонска терапија и оттаму го надгледувале маркетот.
Пријавениот М.А. на А.Т. му ја дал неговата јакна и пиштол со кој истиот влегол во маркетот каде на вработената со закана и употреба на сила од регистар касата и одземал 17.600 денари . Оттаму сите тројца заедно отишле дома кај П.Ј. каде што ја оставиле јакната која А.Т. ја носел за време на извршување на кривичното дело, а одземените пари си ги поделиле и ги потрошиле за свои потреби.
Истиот ден откако се сретнале на железничката станица во населба Аеродром сите тројца после полноќ се качиле во автобус na ЈСП број 57 и се договориле да извршат разбојништво во бензинска пумпа на Макпетрол во населба Козле. Откако дошле во близина на бензинската пумпа пријавените А.Т и П.Ј. се маскирале и влегле во безнинската пумпа, додека М.А. останал да ги чека надвор.
Првопријавениот со пиштол во рацете испукал еден куршум во воздух и со закана кон вработените им побарал да му ги дадат парите од дневниот промет. Откако ги одзеле паричните средства избегале во правец кон студентскиот дом “Гоце Делчев“, но на улица ,,Јуриј Гагарин“ биле забележани од страна на полициски службници. И покрај тоа што им била издадена наредба да застанат, истите продолжиле да бегаат и првопријавениот влегол во влез од една од зградите и качил на последниот кат. По кратко време истиот бил стигнат и совладан од полициските службеници од ПСОН Карпош. Останатите двајца пријавени се упатиле во правец кон булевар Илинден каде од страна на друг полициски службеник во близина на мостот “Гоце Делчев“ кај Влада на Република Македонија биле забележани и П.Ј. бил фатен и приведен во ПСОН Карпош.
Со наредба од судија на претходна постапка извршен е претрес во домовите на пријавените при што во домот на П.Ј. пронајдена е јакната со која е извршено разбојништвото во маркетот „Пингвин ММ компани“.
На 30-ти октомври во ПСОН Карпош обавен е разговор со пријавените кои го признале и појасниле начинот на кој ги извршиле кривичните дела. Имено сите три лица се и претходно познати сторители на кривични дела./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.