Црна хроника
Кумановци истепале матуранти поради гласна музика

Двајца возрасни кумановци истепале ученици кои прославувале матура во локален кафе бар, затоа што им пречела гласната музика, соопшти Министерството за внатрешни работи.
Инцидентот се случил на 20-ти мај во кафе барот ’Бар Код’ во центарот на Куманово во кој неколку ученици прославувале матура. Во кафулето бил и П.К. (54) кој изреволтиран од гласната музика со бејзбол палка почнал да го крши инвентарот, при што повредил едно девојче и физички нападнал уште три лица на кои им нанел повреди на главата и телото.
По ова, во кафе барот пристигнал и И.С. (33) кој физички нападнал еден од матурантите.
Против насилниците СВР Куманово поднесе кривична пријава за сторено кривично дело насилство./крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
17-годишник тешко повреден кога со возилото излетал од патот во Струшко

Ноќеска во 22:10 часот, на локален пат во струшкото село Радолишта, патничко возило „голф“ со струшки регистарски ознаки, управувано од 17- годишно момче од струшкото село Франгово, излетало од патот.
Возачот се здобил со тешки телесни повреди, констатирани во болницата „Св.Еразмо“ во Охрид, а 15-годишен сопатник од селото Заграчани со телесни повреди, констатирани во Општата болница во Струга.
Извршен е увид од увидна екипа од СВР Охрид.
Црна хроника
Прегазен малолетник во Охрид

Синоќа во 21:05 часот, на булеварот „Туристичка“ во Охрид, патничко возило „даихатсу“ со скопски регистарски ознаки, управувано од С.Г.(69) од Скопје, удрило во малолетен пешак од Охрид.
Во несреќата со тешки телесни повреди се здобил малолетникот, констатирани во Специјалната болница „Св.Еразмо“ Охрид.
Полицијата соопшти дека е извршен увид од увидна екипа од СВР Охрид.
Црна хроника
Мајка замавнала со ножот и го повредила синот: при семејна расправија во Дебар

Вчера во 17 часот во Дебар, полициски службеници од ОВР Дебар ја лишиле од слобода 62-годишната Т.В. од Дебар.
Таа околу 15:30 часот при расправија во семејниот дом со остар предмет замавнала и нанела повреда на нејзиниот 31-годишен син.
По целосно документирање на случајот ќе следува соодветна пријава, соопшти полицијата.