Црна хроника
Лицето кое пукаше во познатиот скопски адвокат му бил клиент
Полицијата го приведе дваесет ишестгодишниот Ф.Љ. од Скопје кој во јули годинава пукаше во познатиот скопски адвокат Игнат Панчевски, соопшти Министерството за внатрешни работи.
Против Ф.Љ., кој му бил клиент на Панчевски, е поднесена кривична пријава за сторено кривично дело „предизвикување општа опасност“, а судот му одреди мерка „домашен притвор“.
Настанот се случи на 03-ти јули, во населба Бутел кога Ф.Љ. пукаше со пиштол во Панчевски, додека двајцата биле во автомобилот на адвокатот. Панчевски бил ранет во ногата, но успеал да го истурка Ф.Љ. од возилото. Откако излегол, Ф.Љ. испукал уште три куршуми кон него, но не го погодил. крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Сторителот ги убил братот и снаата на починатиот брат, соопшти обвинителството за убиството во Стајковци
Јавен обвинител од Основното јавно обвинителство Скопје, заедно со инспектори и увидна екипа на МВР и тим од обдуценти од Институтот за судска медицина, извршија увид на лице место во семејна куќа во селото Стајковци каде попладнево едно лице ги лишило од живот сопствениот брат и сопругата на другиот брат, кој претходно бил починат.
Причините се утврдуваат. Сторителот е идентификуван и обезбеден. Тој е хоспитализиран со повреди.
Обезбедени се траги на лице место кои ќе бидат предмет на вештачење, а по наредба на јавниот обвинител телата на починатите ќе бидат дадени на обдукција.
Црна хроника
При извршување градежни работи, тешко повреден скопјанец, пренесен е во Комплексот клиники
Вчера во 13.30 часот во СВР Скопје било пријавено дека при извршување градежни работи на подрачјето на Карпош во Скопје со повреди се здобил 64-годишниот З.П. од Скопје, извести МВР.
„Тој бил пренесен во Комплексот клиники „Мајка Тереза“, каде што му биле констатирани тешки телесни повреди. Увид бил извршен“, соопшти МВР.
Топ
МВР со детали за двојното убиство во Стајковци: жртвите пронајдени со повреди на главата, со убодни рани најден и осомничениот
Денеска во 12.30 во СВР Скопје било пријавено дека во с.Стајковци, скопско, на тераса и на скали во домот со повреди на главата биле пронајдени В.К.(64) и неговата снаа С.К.(57). Лекар од Итна медицинска помош на местото констатирал смрт кај С.К., додека В.К. со повреди бил пренесен во Комплексот клиники „Мајка Тереза“ каде што во 14.00 часот починал.
Полициски службеници од Полициската станица Гази Баба и Единицата за интервентна полиција при СВР Скопје со убодни рани го пронашле и Љ.К.(67), брат на В.К., кој имал здравствени проблеми и за кој постои сомнение дека е сторител на убиството. Тој, исто така, е пренесен во медицинска установа за укажување помош.
Се преземаат мерки за целосно расчистување на случајот.