Црна хроника
Мајка го фрлила детето од зграда, па се фрлила и таа

Мајка и дете се борат за живот, откако во понеделник наутро, мајката најпрво го фрлила детето од зградата во која живееле, а потоа се фрлила и таа, соопштуваат од полицијата.
Како што потврдија од МВР за Макфакс, утрово во 9.05 часот пријавено е дека мајка се заканува дека ќе се фрли од зграда во скопската населба Хиподром, заедно со своето малолетно дете.Околу 9.30 часот таа го фрлила детето, родено 2009 година, чиј пад бил ублажен од пожарникарите и полицајците кои го дочекале детето, и веднаш било префрлено во Ургентниот центар со тешки телесни повреди.Во 10.20 часот, од зградата се фрлила и мајката, која поради падот се здобила со тешки телесни повреди и се бори за живот. И таа е пренесена во Ургентниот центар во Скопје.
Полицијата ја утврдува причината за таквата одлука на мајката./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Мотоциклист тешко повреден во сообраќајка кај „Борис Трајковски“ во Скопје

Мотоциклист се здобил со тешки телесни повреди, а друг возач е полесно повреден во сообраќајна несреќа што се случила вчера околу 13:05 часот на крстосницата меѓу булеварот „Борис Трајковски“ и улицата „Трајко Иванов Љузе“ во Скопје.
Како што информираат од СВР Скопје, во несреќата учествувале патничко возило шкода, управувано од 61-годишниот П.Б. од Скопје и мотоцикл јамаха, со кој управувал 28-годишниот М.С., исто така од Скопје.
По судирот, мотоциклистот М.С. се здобил со тешки телесни повреди, кои му биле констатирани во Комплексот клиники „Мајка Тереза“. Возачот на автомобилот П.Б. е полесно повреден и бил пренесен во Градската општа болница „Св. Наум Охридски“.
На местото на несреќата излезе јавен обвинител и увидна екипа од СВР Скопје, а истрагата за причините продолжува.
Црна хроника
Возач тешко повреден откако со БМВ излетал од патот кај село Калишта

Рано изутринава, околу 01:00 часот, на регионалниот пат кај селото Калишта, струшко, се случила сообраќајна несреќа во која тешко бил повреден 40-годишен маж.
Како што информираат од ОВР Струга, патничко возило „БМВ“ со струшки регистарски таблички, управувано од Р.В. од селото Долна Белица, излетало од коловозот откако возачот изгубил контрола врз возилото.
Повредениот возач бил итно пренесен во Специјалната болница „Св. Еразмо“ во Охрид, каде му биле констатирани тешки телесни повреди.
На местото на несреќата бил извршен увид од страна на увидна екипа од ОВР Струга, а полицијата работи на утврдување на причините за несреќата.
Црна хроника
Притвор за двајца мажи кај кои бил најден кокаин

Полициски службеници од СВР Охрид поднеле кривична пријава против двајца кичевци, Е.П. (30) и А.П. (60), под сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.
Како што информираат од полицијата, на 17 јули 2025 година бил извршен претрес во нивниот дом, при што бил пронајден и одземен кокаин. По преземените мерки и активности, двајцата осомничени се приведени и со судска одлука им е изречена мерка притвор во траење од 30 дена.
Истражните постапки продолжуваат, а полицијата најавува засилени контроли за откривање и спречување на трговијата со дрога.