Црна хроника
По трет пат одложено судењето за сообраќајката кај Католичка
![](https://makfax.com.mk/wp-content/uploads/2016/10/soobrakjajka20nokje20zrtva-6.jpg)
По трет пат се одложи судењето за сообраќајната несреќа што се случи пред една година, на 15-ти ноември, кога беше прегазен шеснаесетгодишниот Иван Белински.
Судењето се одложи бидејќи одбраната на обвинетиот, Џенис Мекиќ не го доставило до судот дополнителното стручно мислење од техничкото вештачење што го побараа уште на првото рочиште.Судијката го опомена адвокатот, бидејќи, според неа, судењето непотребно се одолговлекува, а одбраната имала можност, а не го доставила стручното мислење со коешто треба да се запознаат обвинителството и судот.„Стручното мислење го добивме пред неколку дена и листата на докази ќе биде доставена во писмена форма уште утре за да се запознаат судот и обвинителството. Немаме намера да го одоговлекуваме судењето, сакаме да се утврди правилно фактичката состојба. По доказите кои ќе бидат доставени, судот ќе има јасна слика за немилиот настан“, рече адвокатот на обвинетиот, Асмир Алиспаиќ.Родителите на загинатото момче се револтирани зошто судењето постојано се одложува, па кога судијката го закажуваше новото рочиште дофрлија „Па закажете го во 2016 година“. Првото рочиште, на 30-ти септември беше одложено поради неизготвеното техничко вештачење кое дополнително го бараше одбраната, а следното рочиште беше одложено поради смртен случај на судечкиот судија. Тогаш одбраната рече дека вештачењето било готово.Сообраќајката се случи пред една година, а обвинение за случајот беше покренато на 5-ти мај. Според обвинението, Мекиќ со голема брзина, од 100 километри на час, го прегазил малолетникот кој во тој момент со уште двајца пешаци минувал на обележан пешачки премин. „Како резултат на ударот и падот на пешакот на коловозот, пешакот се здобил со тешки телесни повреди што довеле до развивање на трауматски шок, пореметување и престанок на функцијата на важни витални органи и починал“, се вели во обвинението.Обвинетиот не е во притвор, а ќе одговара за кривично дело „Тешки дела против безбедноста на луѓето и имотот во сообраќајот“.Судењето е презакажано за 2 декември./крај/мф/ффс
Извор: Фото:архива
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се скарале поради паркинг па му се заканил со пиштол: уапсен тетовец
![](https://makfax.com.mk/wp-content/uploads/2023/04/340100298_727343369082993_245299473340502978_n.jpg)
Вчера во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од тетовско, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица.
При приведувањето, кај А.А. бил пронајден и одземен пиштол кубура, додека подоцна, со судска наредба, бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм.
Лицето било задржано во полициска станица и по целосно документирање на случајот против него ќе биде поднесена соодветна пријава, информира МВР.
Црна хроника
(Видео) Претрес кај полициски службеници од Скопско: пронајдено оружје и муниција
![](https://makfax.com.mk/wp-content/uploads/2024/07/6-1-1.jpg)
Вчера полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје.
При претресот, извршен со судска наредба, во нивниот дом во село Сингелиќ, скопско, биле пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив било пронајдено и друго оружје и муниција кои ги поседувале со дозвола, соопшти полицијата.
„Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело.
Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава“, информира МВР.
Црна хроника
Повеќе лица агресивно се однесувале кон медицински персонал во болницата во Струга
![](https://makfax.com.mk/wp-content/uploads/2023/02/policija-2.jpg)
Утрово во 00.57 часот во ОВР Струга е пријавено дека во Општата болница во Струга, повеќе лица агресивно се однесувале кон медицинскиот персонал.
Увид на местото увид извршија полициски екипи и дежурен јавен обвинител.
Полицијата соопшти дека се преземаат мерки за расчистување на случајот.