Црна хроника
Македонски државјани настрадаа во сообраќајка во Србија

Двајца македонски државјани се повредени во сообраќајна несреќа што се случила во понеделник изутрина на автопатот Белград-Ниш, кај Марковац, објави Танјуг.
Во сообраќајката тешко е повредена една жена која е пренесена во Ургентниот центар во Белград.
Несреќата се случила утрово околу 8 часот кога возило со регистерски ознаки од Македонија, на пат кон Белград, удрило во заштитната ограда покрај патот, изјавила за Танјуг портпаролката на Полициската управа во Јагодина, Гордана Цветиќ.
Во автомобилот имало тројца патници, двајца мажи и една жена која е најтешко повредена. Едниот маж поминал без повреди.
Во тек е полицискиот увид и се работи на утврдување на причините за несреќата.крај/мф/сд
Извор: Фото/РТС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.
Црна хроника
Пациент во Тетово нападнал лекар и полицаец во болница

Полицијата од Тетово вчера попладне го приведе М.М. (28) од селото Челопек, по пријава дека во Клиничката болница во Тетово агресивно се однесувал кон медицинскиот персонал и физички го нападнал Л.А. (31) од село Желино, лекар кој се обидувал да му укаже лекарска помош.
Според МВР, по пристигнувањето на полицијата, осомничениот продолжил со агресивното однесување и нападнал и еден од полициските службеници.
М.М. е задржан во полициска станица, а по целосно документирање на случајот против него ќе биде поднесена соодветна пријава.