Црна хроника
Малолетник крадел компјутери од општинската зграда во Охрид
Малолетник крадел компјутери од канцеларијата на одделението за даноци од локалната самоуправа Охрид, соопшти СВР Охрид.
Шеснаесетгодишниот малолетник на 13 октомври се искачил на спратот од новиот дел од општинската зграда во изградба и се префрлил до прозорот на канцеларијата на оддлението за даноци. Успеал насилно да го отвори прозорецот, влегол во канцеларијата и украл едно компјутерско куќиште и една тастатура. Следниот ден, малолетникот извршил уште една кражба од истата општинска просторија. На истиот начин влегол во канцеларијата и одзел два компјутерски монитори и едно куќиште. По добиена судска наредба, извршен е претрес во домот на малолетникот од каде одземени се штрафцигери, обувки и неколку предмети врз кои е извршено вештачење. Со малолетното лице, во присуство на неговиот родител извршен е разговор во СВР Охрид за што е известен и социјален работник. Поради постоење основи на сомнение за сторено едно казнено дело „тешка кражба“ и една „кражба“ СВР Охрид, до Основното јавно обвинителство поднесе известување поврзано со малолетно лице од Охрид како можен сторител на казнените дела./крај/мвр/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна Турчинка која престојувала во хотел во Скопје
Вчера во 23.00 часот во Полициската станица Бит Пазар, Е.Б.(34) од Република Турција пријавила дека нејзината мајка А.П.О.(73) од Република Турција се оддалечила од хотел во Скопје каде престојувала.
Се преземаат мерки за пронаоѓање на лицето.
Црна хроника
Скопјанец натепал скопјанка во Карпош, а потоа агресивно се однесувал и со полицајците
Вчера во 11.20 часот на подрачјето на Карпош, полициски службеници од СВР Скопје го привеле К.Л.(41) од Скопје, затоа што физички ја нападнал О.Л.(39) од Скопје, а потоа агресивно се однесувал кон полициски службеници кои извршувале службени дејствија.
По целосно документирање на случајот ќе следува соодветен поднесок.
Црна хроника
Оштетил паркирано возило, врата и инвентар во кафеана, такси-возило: кривична против маж од Делчево
Надворешната канцеларија за криминалистички работи Делчево поднесе кривична пријава против В. А. (36) од Делчево.
Тој се сомничи за сторено кривично дело насилство.
На 8.5.2024 пријавениот оштетил влезна врата и друг инвентар во угостителски објект, се обидел да оштети стакло од возачка врата на такси-возило, во обложувачница оштетил врата од наплатниот пулт, по што оштетил возило паркирано пред Територијалната противпожарна единица и физички нападнал двајца вработени.