Црна хроника
Малолетник во Гостивар прободен со нож во стомакот

Малолетник од село Добридол бил прободен со нож во стомакот во четвртокот попладне во центарот на Гостивар на улицата „Браќа Џиновски“.
Шеснаесетгодишното момче во четвртокот во 19.25 часот било однесено во Медицинскиот центар во Гостивар, но поради сериозноста на повредите е пренесен во Ургентниот центар во Скопје.Малолетникот бил прободен во тепачка меѓу две гупи, од едната страна учествувале дваесет и едногодишник и дваесет и двегодишник од село Топлица, а од другата страна учествувале шеснаесетгодишното момче и седумнаестгодишник од Сенокос. Во еден момент дваесет и двегодишното момче извадило нож и го прободело малололетникот во стомакот. Напаѓачите се приведени, се преземаат мерки за целосно расчистување на случајот. Против инволвираните ќе биде поднесен соодветен поднесок./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.