Четири лица се потешко повредени во три сообраќајни несреќи кои се регистрирани во текот на саботата, информираше Министерството за внатрешни работи.

Околу 15,50 часот во Струмица, на булеварот „Гоце Делчев“ се судриле автомобил БМВ“ со скопски регистарски ознаки управувано од 38-годишниот П.Ј. од Струмица и автомобил „Пежо 307“ со струмички регистарски ознаки управувано од 35-годишниот И.Д. од селото .Дабиље, струмичко.. Во незгодата со тешки телесни повреди се здобила сопатничка од „пежото“, 68-годишнат З.Д., по што во Медицинскиот центар Струмица ѝ била укажана лекарска помош и била задржана за натамошно лекување.

Во саботата, исто така, во 16,35 часот на регионалниот пат Карбинци – Штип, се случила сообраќајна незгода меѓу „фолксваген голф“ со штипски таблички кој го управувал 26-годишниот В.М.(26) од Штип и „сеат толедо“, исто така, со штипски ознаки управувано од 42-годишниот Ц.Н. од Пробиштип. Во судирот со тешки телесни повреди се здобиле возачот и сопатничката во „сеатот, 61-годишната К.Г., кои со возило на брзата помош се пренесени во Клиничкиот центар Штип каде им била укажана лекарска помош и се задржани на натамошно лекување, но поради сериозноста на повредите возачот подоцна е пренесен на скопските клиники.

Ноќта кон неделата, околу 1,12 часот во центарот на Скопје, на крстосувањето на булеварот „Илинден“ со булеварот „Св. Климент Охридски“ се судриле „мерцедес“со скопски ознаки, кој го управувал 27-годишниот А.Д. од Скопје и „фиат стило“ со кривопаланечки регистарски ознаки управувано од Д.Ј. (26) од Крива Паланка. Во незгодата со тешки телесни повреди се здобил А.Д. кој бил пренесен и задржан на „КАРИЛ“ при Клиничкиот центар./крај/мф/ффс

Извор: Макфакс