Црна хроника
Нови сведоци за судирот во „Дива населба“

Во Основниот суд Скопје 1 во четврток продолжува судењето за судирот меѓу македонската полиција и вооружената група во кумановската „Дива населба“ што се случи во мај минатата година.
Во судот треба да се појават нови сведоци за случајот, локално население како и оштетени.
Досега во судот сведочеа главно жители од кумановската населба, соседи на обвинетите кои живееле на улицата каде што се случуваа дводневните пукања, полицајците од полициската станица Гошинце, а на последното рочиште сведочеше и командирот на обвинетиот полицаец, Арсим Бајрами. Сите тие беа сведоци на обвинителството.
Жителите на кумановската населба воглавно тврдеа дека полицијата ги малтретирала и дека пукала, но некои од нив кажаа дека жените и децата од нивните семејства, пред пукањата во Куманово, заминале на гости кај роднини.
Командирот на полицаецот рече дека за време на судирот, Бајрами зел боледување бидејќи неговата ќерка била болна, но набргу бил уапсен.
Обвинетите пак кога се изјаснуваа дали се виновни или не, тврдеа дека водачите на групата не биле убиени во судирот, туку отпосле во полициска станица, дека во случајот се вмешани високи функционери на Управата за безбедност и разузнавање и дека целиот случај е „политичка игра“.
Во судирот во Куманово загинаа осум македонски полицајци и десет припадници на вооружената група, а обвинети се 29 лица кои одговараат за тероризам./крај/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведен 19-годишник во Тетово оти предизвикал пожар

Тетовската полиција го приведе 19-годишниот С.М. од Скопје, со привремено место на живеење во Тетово, кој бил затекнат додека палел кабли.
Со тоа, како што велат од МВР, предизвикал пожар кај железничкиот надвозник на улицата Маршал Тито во Тетово.
Со интервенција од Тетовската противпожарна единица, пожарот бил изгаснат, а С.М. е задржан во полициска станица и по документирање на случајот против него ќе биде изготвен соодветен поднесок.
Црна хроника
Тешко повреден возач на тротинет во судир со автомобил

Вчера вечер во 22:30 часот во СВР Скопје е пријавено дека на бул.„Словенија“ во Скопје се случила сообраќајна несреќа помеѓу патничко возило „фолксваген пасат“ со скопски регистарски ознаки, управувано од Н.Д.(28) од с.Гумалево, скопско и електричен тротинет „шаоми“, управуван од К.М.(59) од Скопје.
Во несреќата со тешки телесни повреди се здобил возачот на тротинетот, констатирани во Градска општа болница „Св.Наум Охридски“.
Извршен е увид од увидна екипа од СВР Скопје.
Црна хроника
Уапсен вработен во Здравствениот дом – Берово, кај него пронајдена дрога

Вчера околу 22 часот на улицата „Браќа Миладинови” во Виница од страна на полициски службеници од ПС Виница во координација со ПС Берово од слобода е лишен 29-годишниот Б.Р. од Берово затоа што при преглед кај него е пронајдена марихуана и ризла.
Имено, по претходно добиени оперативни сознанија, полициските службеници сопреле возило „дачија сандеро“ со беровски регистарски ознаки, сопственост на ЈЗУ „Здравствен дом“- Берово, а управувано од Б.Р. и при преглед кај него е пронајдена дрогата, по што е известен јавен обвинител од ОЈО Кочани, кој дал насоки тој да биде лишен од слобода.
По документирање на случајот, против Б.Р. ќе биде поднесена соодветна пријава.