Црна хроника
Роднини на убиените полицајци во „Дива населба“ се приклучија кон кривичниот прогон на обвинетите
Роднините на осумтемина полицајци кои беа убиени во судирот меѓу македонската полиција и вооружената група во кумановската „Дива населба“, во четврток се појавија на судењето за овој случај и се приклучија на кривичниот прогон на обвинетите.
За висината на имотно-правното побарување сите ќе се изјаснат дополнително, во граѓанска парница. Емоциите од загубата не можеа да ги сокријат, а откако заврши рочиштето на една од роднините ѝ се слоши, па беше повикана и Итна медицинска помош. Еден од роднините на убиените полицајци побара во судницата да каже нешто, но судијата не му дозволи, бидејќи беше присутен во својство на оштетен, а не во својство на сведок предложен од обвинителството.Двајцата сведоци на обвинителството, се жители на „Дива населба“, татко и син. Синот, Арменд Сејдиу пред судот изјави дека имал продавница и пекарница во куќата во населбата и цело време бил на работа. Пред инцидентите, на 8-ми мај ланската година, го затворил маркетот во „Дива населба“ порано, во 22.30, 23 часот, иако вообичаено работел до полноќ, бидејќи бил многу уморен. Не забележал ништо невообичаено, било мирно и си претпоставувал дека платите сé уште „не се стигнати“, па луѓето немаат пари да купуваат. Го разбудило пукањето надвор каде имало голем број полицајци. Бидејќи во куќата имал пекарница и четворица работница кои работеле таму цела вечер, од полицијата побарал останатите членови на неговото семејство да заминат, бидејќи станува опасно, а тој останал во куќата со своите работници. Подоцна биле приведени во полициска станица, каде ги држеле повеќе од 20 часа.Неговиот татко, пак, пред пукањето бил во кумановското село Ранковце и неговата ќерка му се јавила му кажала дека има пукање. Двајцата кажаа дека двајца од обвинетите им биле соседи, Ирфан Љутвиу, кој бил бербер, и Фадиљ Фејзулаху. Судењето иако требаше да продолжи на 16-ти март, ќе продолжи на 22-ти март бидејќи адвокатите ги немале добиено изјавите од другите сведоци кои следуваат./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.