Основното јавно обвинителство Куманово поднесе во вторникот Обвинителен акт за убиството во кругот на црквата „Света Мина“ против Д.Д за сторено кривично дело „Убиство“ од чл. 123 од Кривичниот законик.

Според обвинителниот акт, Д,Д, се товари дека на 26-ти јуни годинава со умисла го одземла животот на сега починатиот Б.И.

Настанот се случил кога по посета на ноќен клуб, обвинетиот и жртвата се упатиле кон кумановската населба Вера Которка, во кругот на црквата „Света Мина”. Додека меѓусебе разговарале, обвинетиот му пришол од зад грб на сега починатиот кој седел на клупа во близина на бунар, извадил огнено оружје, пиштол марка „Црвена застава” и од непосредна близина на растојание од 2 сантиметра, испукал еден куршум во левиот тилен дел на главата на сега покојниот.

Нанесената прострелна рана предизвикала фатални повреди поради што веднаш настапила смртта. Обвинетиот потоа го фрлил телото на починатиот во блискиот бунар и го напуштил местото на настанот.

По спроведување на истражна постапка, надлежен јавен обвинител од Основното јавно обвинителство Куманово ги прибра сите материјални и вербални докази во предметот и до Основниот суд Куманово го достави обвинението. Притоа, поднесен е и Предлог за продолжување на мерката – притвор за обвинетиот./крај/мф