Црна хроника
Ограбени девизи, денари, златен накит и пиштол од куќа во Прилеп

Арамија ограбил куќа во Прилеп, при што украл девизи, денари, златен накит и пиштол.
Како што соопшти полицијата, С.Т.(1959) од село Врбјани, пријавил дека во Прилеп во неговата куќа, засега непознат сторител извршил тешка кражба на тој начин што насилно делувал на влезната врата, влегол внатре и по извршено пребарување одзел 1.020 американски долари, 340 евра, 31.000,00 денари, златен накит и пиштол „ЦЗ-99“ кал.9мм, кој оштетениот го поседувал со дозвола, со рамка со 13 куршуми, а потоа го напуштил лице местото. Со тешката кражба причинета е материјална штета од околу 145.000,00 денари.
Се преземаат мерки за пронаоѓање на сторителот. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.