Црна хроника
Ограбени куќи во Скопје и Прилеп

Непознати сторители викендов ограбиле две куќи во Прилеп и Скопје.
Кражбата во Прилеп се случила во периодот од 1 до 3 јануари во куќа сопственост на педесет и тригодишен прилепчанец на улицата „Круме Спиркоски“.Сторителот насилно делувал на влезната врата, влегол внатре и по извршено пребарување одзел 100евра, 1.000 денари, пиштол калибар 7,62мм и разновиден златен накит, односно украл вкупно 60.000 денари.Другата кражба се случила во периодот од 31 декември до 3 јануари, во куќа на улица „Ѓорге Андреевич-Кун“ во скопската населба Аеродром, во сопственост на педесет и петгодишен скопјанец. Сторителот насилно ја отворил влезната врата, влегол внатре и по извршено пребарување одзел пет рачни часовници, два лап топ компјутери, три таблети, два мобилни телефони и еден коверт во кој имало околу 3 000евра, а потоа го напуштил местото на настанот. На тој начин сторителот се стекнал со противправна имотна корист од околу 450.000 денари. Се преземаат мерки за пронаѓање на сторителите./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Итна интервенција во Мавровско Езеро: две лица се држат за превртен чамец, струја ги носи кон хидроцентралата

Преку единствен број за итни повици 112 во 12.37 часот на ден 15.03.2025 година од страна од случаен минувач добиена е информација за превртен чамец со две лица во Мавровско Езеро. Лицата во моментот се држат за чамецот и самата струја ги носи кон хидроцентралата, информира директорот на ЦУК, Стојанче Ангелов.
„Од наша страна веднаш е стапено во контакт со Диспчерски центар на ЕЛЕМ и со директорот на ХЕЦ Маврово и известен сум дека немаат исправен чамец. Известено е одговорното лице од Ренџерска служба од Национален парк Маврово и од истите известен сум дека имаат чамец и поради силниот ветер во Мавровското езеро има бранови и луѓето не се специјализирани за спасување во води и претставува потенцијална опасност да ги загрози и своите вработени. Во истиот момент преку РЦУК Тетово известени се ПС Маврово, ДЗС Гостивар, Општина Маврово и Национален Парк Маврово ренцерска служба. Испратено е барање до ДЗС за ангажирање на чамец и специјализиран тим за спасување во води. Исто така од наша страна изпратено е барање на МВР за нивна проценка и ангажирање на специјален тим со чамец или хеликоптер се со цел да се спасат двет лица во Мавровското езеро. Известен е директотор на ХЕЦ Маврово привремено да го запре производството на електрична енергија како би се избегнале струите во изерото. Од страна на Раководителот на СОК сум известен дека ќе биде ангажиран хеликоптер со лица од спцијална единица (Тигри), а чамецот ќе биде обезбеден од страна на одговорнот о лице од Ренџерите во Националниот парк Маврово. Во тек е координативната акција за спасување на двете лица во превртениот чамец“, стои во информацијата од првиот човек на ЦУК, Ангелов.
Црна хроника
Приведено лице од скопско поради предизвикување сообраќајна несреќа со смртни последици

На 14.03.2025 во 18.54 часот во СВР Скопје било пријавено дека на ул.„Ацо Шопов“ во Скопје се случила сообраќајна несреќа помеѓу патничко возило „фиат панда“ со скопски регистарски ознаки, управувано од Б.Р.(24) од с.Буковиќ, скопско, патничко возило „пежо 2008“ со скопски регистарски ознаки, управувано од С.А.(52) од Скопје и мотоцикл „сузуки“ со скопски регистарски ознаки, управуван од А.Ј.(34) од Скопје.
Во несреќата со тешки телесни повреди се здобил мотоциклистот А.Ј., констатирани во Градската општа болница „8 Септември“, по што бил пренесен во Комплекс клиники „Мајка Тереза“, каде што подоцна починал.
Лекар констатирал смрт, а по насоки на јавен обвинител, телото на починатиот било дадено на обдукција.
Возачот Б.Р. се здобил со телесни повреди, констатирани во Градската опшата болница „Св.Наум Охридски“ Скопје и по укажаната помош во 01.00 часот на подрачјето на Центар бил лишен од слобода и по целосно расчистување и документирање на случајот, ќе биде поднесена пријава по итна постапка.
Извршен бил увид од надлежен обвинител од ОЈО Скопје и увидна екипа од СВР Скопје.
Црна хроника
Приведено лице од Пробиштип поради управување возило под дејство на алкохол

Полицијата приведе 21-годишник од Пробиштип поради возење под дејство на алкохол.
„Денеска (15.03.2025) во 01.55 часот на магистаралниот пат Штип – Кочани, кај с.Долни Балван, општина Карбинци, полициски службеници го лишиле од слобода И.Д.(21) од Пробиштип. При контрола во патниот сообраќај, полициските службеници сопреле патничко возило „фолксваген пасат“ со пробиштипски регистарски ознаки, кое го управувал, и по преземени мерки било констатирано дека е под дејство на алкохол, односно дека има 1,70 промили алкохол во крвта, по што веднаш бил исклучен од сообраќај и задржан во полициска станица. По целосно документирање на настанот, против него ќе биде поднесена пријава по член 297 – а од Кривичниот законик – безобѕирно управување со моторно возило“, соопштија од Министерството за внатрешни работи.