Жител на тетовското село Беловиште бил претепан откако се обидел да види што се случува со неговата другарка, на која и се слошило и подолго се задржала во тоалетот на угостителски објект.

М.А.(1981)  од Беловиште пријавил во тетовската полиција дека во сабота околу 00,10 часот со негова 17 годишна другарка од Гостивар, седеле во Тетово на ул.„Борис Кидрич“ каде консумирале алкохол, од што на другарката и се слошило и отишла во тоалет кој се наоѓал во угостителски објект во непосредна близина. Бидејќи таа подолго се заджала, М.А. отишoл да види што се случува, при што зесега непознато лице му рекло да излезе надвор ако не сака проблеми. Оштетениот излегол надвор, а по околу 5 минути пробал пак да влезе во објектот со цел да ја викне другарката, но бил спречен од страна на 10тина лица, кои без повод и причина почнале да го удираат со тупаници и клоци во пределот на лицето и телото, нанесувајќи му видливи повреди во пределот на левото око во вид на црвенило. Се превземаат мерки за расчистување на настанот и пронаоѓање на сторителите. /крај/со/мф