Царинската управа откри фабрика за целосно производство на фалсификувани спортски обувки од познати брендови.

По претходно добиена разузнавачка информација дека во подрумски простории во општина Чаир во Скопје постои работилница во која неовластено се изработуваат брендирани патики, по неколкумесечна интензивна истрага инспекторите од Одделението за истраги преземаа оперативни мерки  и активности за откривање и фаќање на сторителите. Работилницата функционирала на принцип на повремено производство, односно по неколку дена во неделата, обично пред пазарни денови, со цел да не биде воочливо работењето. Просторијата била користена по договор за закуп, но била злоупотребена за недозволено производство.во четвртокот, по добиена наредба за претрес од судија во претходна постапка при Основниот суд Скопје 1, извршен е претрес и во работилницата се затекнати лица кои изработувале обувки, како и поголема количина готови обувки спремни за испорака на купувачи. Покрај готовите производи пронајдени се и повеќе машини на кои е вршено производството.При извршениот претрес, пронајдени се 154 пара готови обувки со лого на познати трговски марки.Покрај готовите производи, откриени се обувки во фаза на изработка, како и големо количество репроматеријал за изработка на спортски обувки, како етикети, апликации, горништа, ѓонови, од кои би се произвела поголемо количество обувки.Производите и машините се привремено одземени, а по комплетирање на сите докази, Царинската управа на Република Македонија против осомничените ќе поднесе кривична пријава за сторено кривично дело „Повреда на права од индустриска сопственост и неовластена употреба на туѓа фирма”.Исто така, во средата, на царинската испостава Богородица, при контрола на стока со потекло од Грција пријавена во транзитна царинска постапка, наменета за увозник од Словенија, царинските службеници пронајдоа и привремено задржаа 530.640 парчиња (585 кутии) стикери, хартиени карти и детски играчки – колички, под основано сомневање дека повредуваат право од интелектуална сопственост на познати трговски марки. Царината открила и 300 грама марихуана при контрола на скопски автомобил на граничниот премин Ново Село. Дрогата била најдена во сокриена во пределот околу стомакот под фармерките. Во текот на службениот разговор, лицата изјавиле дека марихуаната ја набавиле од Сандански, Бугарија. Против осомничените е поднесена кривична пријава поради основано сомневање за сторено кривично дело “Неовластено производство и пуштање во промет на наркотични дроги, психотропни супстанци и прекурсори”. /крај/мф /