Судот го прогласи за виновен и му одреди петгодишна затворска казна на Бојан Блажевски обвинет за сообраќајката што се случи во јули годинава кај трговскиот центар „Зебра„ во скопската населба Капиштец во која загина новинарката Сузана Тодоровска-Павловска.

Блажевски е осуден за кривичното дело тешки дела против луѓето и имотот во сообраќајот. При носењето на одлуката судот како отежнителни околности ги зел во предвид тоа што оваа појава е сé позачестена во опшеството, тоа што сообраќајната несреќа се случила на јавно место и тоа што Блажевски е зависник од наркотични средства.

Како олеснителни околности, судот предвид ги зема тоа што Балевски е млад и неосудуван, неговата здравствена состојба, и тоа што осудениот изразил жалење и каење.

Блажевски на 7-ми јули се брзина од 83 километри на час под дејство на алкохол и марихуана ја прегази новинарката Тодоровска-Павловска која се движела по тротоарот кај ТЦ Зебра. Тој пред судот изјавил дека се кае за тоа што го сторил и дека фактот што одзел човечки живот го довело до психичко растројство и дека продолжил со метадонската терапија.

Блажевски ќе остане во приствор до правосилноста на судската одлука./крај/мф/ффс

Извор: Макфакс