Црна хроника
Пет малолетници повредени во сообраќајка на патот Пониква-Кочани

Пет малолетни момчиња се повредени во сообраќајна несреќа што се случила во вторник изутрина на патот Пониква – Кочани, кај местото викано Бела земја.
Полицијата информира дека несреќата се случила денеска во утринските часови, околу 5 часот, кога автомобилот ’голф’, што го управувало 17-годишно момче од Кочани, а во кој се наоѓале момчињата, излетало од патот. Четири повредени биле пренесени во болница во Кочани, а едно момче било пренесено на клиника во Скопје.
Полицијата и јавен обвинител извршиле увид на лице место, а причините за несреќата сé уште се утврдуваат.
На истиот пат пред една недела во сообраќајка загина 23-годишна бремена девојка од Кочани, а три лица беа повредени кога автомобилот во кој се превезуваа излета од патот и падна во амбис.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
17-годишник тешко повреден кога со возилото излетал од патот во Струшко

Ноќеска во 22:10 часот, на локален пат во струшкото село Радолишта, патничко возило „голф“ со струшки регистарски ознаки, управувано од 17- годишно момче од струшкото село Франгово, излетало од патот.
Возачот се здобил со тешки телесни повреди, констатирани во болницата „Св.Еразмо“ во Охрид, а 15-годишен сопатник од селото Заграчани со телесни повреди, констатирани во Општата болница во Струга.
Извршен е увид од увидна екипа од СВР Охрид.
Црна хроника
Прегазен малолетник во Охрид

Синоќа во 21:05 часот, на булеварот „Туристичка“ во Охрид, патничко возило „даихатсу“ со скопски регистарски ознаки, управувано од С.Г.(69) од Скопје, удрило во малолетен пешак од Охрид.
Во несреќата со тешки телесни повреди се здобил малолетникот, констатирани во Специјалната болница „Св.Еразмо“ Охрид.
Полицијата соопшти дека е извршен увид од увидна екипа од СВР Охрид.
Црна хроника
Мајка замавнала со ножот и го повредила синот: при семејна расправија во Дебар

Вчера во 17 часот во Дебар, полициски службеници од ОВР Дебар ја лишиле од слобода 62-годишната Т.В. од Дебар.
Таа околу 15:30 часот при расправија во семејниот дом со остар предмет замавнала и нанела повреда на нејзиниот 31-годишен син.
По целосно документирање на случајот ќе следува соодветна пријава, соопшти полицијата.