Автомобил „југо“ во неделата вечeрта прегазил велосипедист во Охрид, кој се здобил со скршеници на черепот и по останатите делови на телото како и крварење на мозокот, соопштуваат од СВР Охрид.

Сообраќајката се случила во неделата вечерта во 22.20 часот на улицата „15 Корупс“ во Охрид. Автомобилот „југо“, којшто го управувал осумнаесетгодишник од охридското село Лескоец налетал на четириесет и осумгодишниот велосипедист од истото село. И возилото и велосипедистот се движеле во ист правец, кон селото, и „југото“ удрило во задниот дел од велосипедот кој се движел пред него. На местото на сообраќајната незгода, извршен е увид во присуство на Јавен обвинител, овластено вешто лице и полициски екипи. Извршено е алкотестирање врз возачот на „југото“ при што утврдени се 0,70 отсто промили алкохол во крвта. Повредениот велосипедист со возило на итна медицинска помош е пренесен во на хируршкото одделение при општата болница во Охрид каде, по укажаната лекарска помош е задржан на понатамошно лекување.  Возачот веднаш е исклучен од сообраќај по што констатирано е дека не поседувал возачка дозвола а возилото технички било неисправно. За време на увидот, сообраќајот не беше запрен и се одвиваше со наизменично пропуштање на возилата по една сообраќајна лента.По наредба на Јавен обвинител од двете лица земена е крв и урина за понатамошна анализа а врз патничкото возило и велосипедот ќе бидат извршени дополнителни вештачења. /крај/мф/ффс

Извор: Фото:архива