Црна хроника
Поднесени кривични пријави против 13 лица во акцијата „Гора“
СВР Скопје во текот на минатиот месец, постапувајќи во рамките на опартивната акција “Гора“ за спречување на нелегална сеча и трговија со огровно дрво до надлежното обвинителство поднесе осум кривични пријави со кои се опфатени 13 лица, а за сторени 15 кривични дела.
Меѓудругото, поднесени се пријави за кривичните дела “кражба“, “фалсификување или уништување деловни книги“, “злоупотреба на службена положба и овластување“ како и “прикривање“, “помагање“ в.в. “злоупотреба на службена положба и овластување“ “фалсификување службена исправа“ и “помагање“ в.в. “кражба“.
Имено, кривично се пријавени лицата С.Ш. (33), Р.Ш. (19) од Скопје за сторено кривично дело “фалсификување или уништување деловни книги“, кои едниот во својство на сопственик и управител на правното лице “ФАТОНШПЕД КОМЕРЦ ДООЕЛ увоз-извоз Блаце, Чучер Сандево-Скопје“ а вториот како возач во истото, внеле невистинити податоци за испорака на огревни дрва и со таквата испратница заверена со потпис и печат со ТМВ „Мерцедес“ пренеле седум метри кубни дрва наводен купувач во скопски Чаир. Од страна на шумска полиција извршена е контрола и мерење на дрвната маса (седум м3 недоволно жигосани дрва), одземено е ТМВ и дрвата.
Во вториот случај кривично пријавен се лицата Н.Д. (70) и Д.Д. (45) од село Миладиновци, за кривично дело “кражба“ бидејќи бесправно од туѓа шума исекле и подготвиле за транспрт 2,4 м3 огревно дрво, причинувајќи штета од од 16.800 денари.
Исто така кривично пријавено е и лицето Џ.А. (31)) од Скопје за кривично дело “кражба“. Пријавениот во атарот на с.Драчевица, м.в.„Рупе“ од туѓа шума бесправно исекол дабови дрвја и габер во количина од 1,5 м3 и иако знаел дека не поседува одобрение за сеча, испратница за транспорт и дека истите не се жигосани со јасно видлив шумски жиг, ги натоварил на коњи и се упатил кон ул.„Првомајска“ кон с.Усје со намера да ги продаде, предизвикувајќи штета од 10.500 денари.
Потоа во четвртиот случај кривично е пријавен Б.П. (41) од Скопје, за сторени две дела, “злоупотреба на службената положба и овластување“ и “злоупотреба на лични податоци“. Пријавениот како раководител на ШСЕ „Патишка Река“ во ЈП „Македонски шуми“ – ПШС „Караџица“ – Скопје, злоупотребувајќи ја својата службена положба и овластување во повеќе наврати врз основа на поднесени и од него одобрени барања издал дозволи за сеча на дрвна маса во државна нискостеблеста шума во количини поголеми од 10 м/3, со што овозможил на 18 физички лица – баратели да се стекнат со противправна имотна корист во вкупен износ од 129.380 денари, за кој износ го оштетил ЈП „Македонски шуми“ – Скопје. Воедно, иако знаел дека одобренија за сеча на дрвна маса се издаваат само и исклучиво врз основа на поднесување на барање лично од физичкото лице – барател со утврдување на неговиот идентитет врз основа на лична карта или друг документ за идентификација, тој одобрувал барања и издавал одобренија и дозволи за сеча на дрвна маса на физички лица користејќи туѓи лични податоци без согласност и знаење на граѓанинот чии податоци се искористени.
Во петиот случај кривично е пријавено лицето Д.В. (69) од Скопје, за кривично дело “прикривање“. Пријавената од непознато лице купила огревни дрвја даб во количина од 2 м3 по цена од 1.500 денари по кубик иако знаела дека дрвјата не биле жигосани со јасно видлив шумски жиг, дека не и биле испорачани со испратница издадена од страна на продавачот на нејзино име, а цената по која и биле продадени била многу пониска од реалната продажна цена на пазарот.
Во шестиот случај поднесена е кривична пријава против две лица од Скопје, Ј.Ч. (38) за “злоупотреба на службена положба и овластување“ и “фалсификување службена исправа“ и А.Д. (31) за “помагање“. Првопријавениот како раководител на ШСЕ “Маркова Река“ во ПШС Караџица Скопје при ЈП Македонски шуми – Скопје злоупотребувајќија својата службена положба и овластување по претходен договор со второпријавениот кој на непознат начин обезбедил фотокопија од лична карта од некое лице од с.Морани, искористувајќи ги неговите лични податоци без негово знаење, во негово име во ПШС Караџица поднел Барање за обезбедување со шумски сортименти за сопствени потреби од страна на физички лица во државна нискостеблеста шума за дрвен вид и сортимен 10 м3 отпад после сеча кон кое ја приложил фотокопијата од личната карта на лицето. Првопријавениот барањето го завел и го заверил со штембил на ЈП Македонски шуми – ПШС Караџица го одобрил со свој потпис и одобрил издавање на дозвола за сеча на име на лицето без негово знаење. По ова одобрението го дал на А.Д. којизвршил уплата на предвидениот износ од 9.000 денари согласно ценовникот на ЈП Македонски шуми. Наместо ова А.Д. отсекол 4 м3 квалитетно сурово огревно дрво бука и даб и само 1.5 м3 отпад после сеча. Со овие активности Ј.Ч му овозможил на А.Д. да се стеркне со речиси 12.000 денари противправна имотна косирт а притоа нанесувајќи штета за ЈП Македонски шуми-ПШС Караџица за износ од 28.000 денари.
Потоа во седмиот случај поднесена е кривична пријава против Р.С. (54) од Скопје, за кривично дело – “кражба“. Пријавениот во два наврати од парк шумата Водно, од м.в. “под Рамниште“ извршил бесправна сеча на дрва и одзел 0,49 м3 дрво бор и 7,3 м3 дабово и габерово дрво, стекнувајќи се со противправна имотна корист од 53.640 денари.
И во последниот случај кривично се пријавени три лица од Скопје, А.А. (54) за кривично дело “кражба“, Е.Џ. (18) и М.Џ. (18) за кривично дело “помагање“. Пријавените од парк шумата Водно, од м.в. „Шумјак“ извршиле бесправна сеча на дрва и одзеле 5 м3 дрво (даб и габер), стекнувајќи се со противправна имотна корист од 35.050 денари. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.