Црна хроника
Погрдни навреди испишани на домот на пратеничката Буралиева

Погрдни и навредливи зборови биле испишани во вторникот на вратата од станот каде што живее пратеничката Љубица Буралиева од редовите на опозицијата во скопската општина Ѓорче Петров.
Буралиева за Телеграф вели дека не е точно дека добива закани од поранешните сопартијци, по нејзината одлука да се врати во собраниските клупи и покрај тоа што нејзината партија, ја бојкотира работата на Собранието.„Јас уште вчера го пријавив случајот во полиција и нивна работа е да откријат кој стои зад ова. Но, тоа што го знам е дека немам проблем со моите поранешнисопартијци. Напротив, со многумина од нив и денес имам пријателски комуникации.Ваквите закани секогаш доаѓаат по пишувањата на еден портал и едно лице што себеси се нарекува новинар. Тој минатите денови како да ни даваше некакви совети мене и на колешката Солза Грчева, но всушност тоа се отворени закани.Такво нешто не смее да се случува“, – вели Буралиева за Телеграф.На врата била испишана порака „К***о продадена“, а пратеничката ја забележала по 18 часот, по што полицијата направила увид. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Тешко злосторство во Кавадарци – го убил својот брат, па го закопал во дворот

Четириесет и тригодишен маж е осомничен дека по расправија го убил својот една година помлад брат, а потоа неколку дена се обидувал да го прикрие злосторството.
Како што соопшти Основното јавно обвинителство, убиството се случило вечерта на 27 јули, во дневната соба од домот на жртвата. Меѓу браќата најпрвин избувнала вербална расправија, која завршила трагично – осомничениот неколку пати го удрил својот брат со метален предмет по главата, нанесувајќи му смртоносни повреди.
Во деновите што следеле, осомничениот презел серија чекори за да го сокрие злосторството – ја исчистил крвта од подот и од предметите, а телото го преместил во помошна просторија во дворот, каде што го закопал и го покрил со шперплоча и други предмети, надевајќи се дека нема да биде откриен.
Обвинителството поднесе предлог до судот за определување мерка притвор, со образложение дека постои опасност осомничениот да се обиде да избега или дополнително да уништува докази.
Црна хроника
Со „мицубиши“ удрил во малолетник, па во паркирано возило во Гевгелија

Вчера во 13:10 часот во ОВР Гевгелија било пријавено дека на ул.„Моински пат“ во Гевгелија, патничко возило „мицубиши“ со гевгелиски регистарски ознаки, управувано од А.С.(20) од Гевгелија, удрило во 11-годишен малолетник од Гевгелија, а потоа и во паркирано патничко возило „бмв“ со струмички регистарски ознаки.
Во несреќата со тешки телесни повреди се здобил возачот, додека со телесни повреди малолетникот, констатирани во Медицински центар Гевгелија.
Извршен бил увид од увидна екипа на СВР Струмица.
Црна хроника
Скопјанец ранет со пиштол: соседи се испотепале поради недоразбирање во сообраќајот

Утрово околу 01:10 часот во СВР Скопје, од Ургентен центар при Комплекс клиники „Мајка Тереза“ било пријавено дека кај нив со повреди од огнено оружје бил донесен О.Е.(25) од Скопје.
Според пријавеното, околу 00:30 часот пред дворот од негова куќа на подрачје на Бит Пазар, поради недоразбирање во сообраќајот, настанала расправија помеѓу него и соседот Ќ.Ч., по што соседот физички го нападнал.
Како што е пријавено, после тоа Ќ.Ч. и лицата М.Ч., Ш.Ч., О.Ч. и Б.М. влегле во дворот на О.Е. и физички ги нападнале и неговиот татко и брат Д.Е. и М.Е., при што Ќ.Ч. извадил пиштол, пукал и го погодил О.Е. во градниот кош и раката.
Увид извршила екипа на СВР Скопје и на местото биле пронајдени три чаури. По целосно расчистување и документирање на случајот, ќе бидат поднесени соодветни пријави.