Црна хроника
Прегазено петгодишно дете, повреден уште еден пешак во Гостивар и возач во Скопје
Двајца пешаци, меѓу кои едно петгодишно дете, и возач се тешко повредени во три сообраќајни несреќи што се случиле во саботата во Македонија.
Петгодишното дете било прегазено во саботата на пладне на улица „Јустинјан Први“ во Скопје. Автомобил „застава 101“, со којшто управувал четириесетгодишен скопјанец удрило во петгодишното дете.
Детето било пренесено во Ургентниот центар во Скопје, каде му биле констатирани тешки телесни повреди во вид на фрактура на черепот и фрактура на левата нога.Повреденото дете е задржано на понатамошно лекување и не е во животна опасност.
Во Скопје се случила уште една сообраќајка во саботата вечерта околу 22 часот на крстосницата на улица „Иван Цанкар“ и улицата „Ацо Шопов“. Во несреќата се судриле автомобил „форд“ и „голф“, при што со фрактура на левата клучна коска се здобил триесет и едногодишниот возач на „фордот“.
Во Гостивар на улицата „Браќа Ѓиноски“ синоќа околу 21.45 часот бил прегазен четириесет и деветгодишен гостиварец.
Пешакот кој бил прегазен од страна на автомобил „голф“, управуван од педесет и едногодишен возач, се здобил со тешки повреди, пукнати три ребра на десната страна, а по интервенцијата бил пуштен на домашно лекување./крај/мф
Извор: Архива Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведено лице од скопско, возел со 1,88 промили алкохол

Вчера во 19.00 часот во Делчево, полициски службеници од ОВР Делчево го лишиле од слобода О.Ј.(47) од с.Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.
Црна хроника
Приведено лице од скопско поради управување возило под дејство на алкохол

Вчера во 19.00 часот во Делчево, полициски службеници од ОВР Делчево го лишиле од слобода 47-годишниот О.Ј. од село Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.
Црна хроника
Нова сообраќајка во Скопје: на пешачки премин пред „Дајмонд мол“ прегазена девојка

Денеска на пешачки премин пред „Дајмонд мол“ е прегазена девојка.
„Имаме пријава утрово за сообраќајка, удрен пешак. Со возило на Итна медицинска помош е пренесен во Клиниката за хируршки болести Св. Наум Охридски“, соопштија од МВР.
Според очевидци се работи за девојче кое минувало на пешачки премин.
Повеќе детали се најавени во текот на денот.