Црна хроника
Претепан кумановец добил потрес на мозокот

Во петокот попладне, двајца кумановци шетале во градот, при што едниот бил нападнат, а од ударите добил и потрес на мозокот, соопшти полицијата.
Имено, во петокот околу 20 часот З.Б. (55) од Куманово, пријавил во ПС Куманово, дека истот ден некаде околу 17,50 часот, додека одел пеш заедно со лицето Г.М исто така од Куманово, на плоштадот пред бутик „Шкорпион“ одзади силно бил турнат од непознато лице по што паднал на земја.
Потоа кон него дотрчале уште три непознати лица кои физички го нападнале удирајќи го со раце и нозе во пределот на главата и телото. З.Б. се здобил со скршеница на носна коска, видливи рани на главата, оток на десниот дел од лицето, потрес на мозокот, и укажана му е медицинска помош во болницата во Куманово каде што е задржан на лекување.
СВР Куманово превзема мерки за пронаоѓање на сторителите и расчистување на настанот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Скопјанец со автомобил удрил во бетонски ѕид и билборд, тешко повреден малолетник

Вчера околу 16.30 часот во СВР Скопје било пријавено дека на бул.„Македонско – косовска бригада“ во Скопје, патничко возило „бмв“ со скопски регистарски ознаки, управувано од А.К.(32) од Скопје, удрило во рекламно пано и бетонски ѕид.
Во несреќата со тешки телесни повреди се здобил малолетен сопатник во возилото, додека со телесни повреди се здобиле возачот, уште еден малолетен сопатник и сопатникот С.С.(25), сите од Скопје, констатирани во Комплекс клиники „Мајка Тереза“ во Скопје.
Извршен бил увид од увидна екипа од СВР Скопје, а по наредба на јавен обвинител возачот А.К. бил лишен од слобода и против него ќе биде поднесена пријава.
Црна хроника
Уапсен 24-годишник од Тетовско: возел со 162 км/час на место каде е дозволено 80 км/час

Вчера во 17.43 часот на автопат Тетово – Гостивар, полициски службеници од Полициската станица за безбедност на патниот сообраќај Тетово го лишиле од слобода 24-годишниот В.М. од село Пирок, тетовско.
При сообраќајна контрола и преземени мерки и активности, полициските службеници констатирале дека В.М. управувал патничко возило „фолксваген голф“ со тетовски регистерски ознаки со брзина од 162 километри на час на место каде што максималната дозволена брзина е 80 километри на час.
Лицето е пиведено во полициска станица и по целосно документирање на случајот против него ќе биде поднесена пријава по член 297 – а од Кривичниот законик – „безобѕирно управувањена моторно возило“.
Црна хроника
На тераса во Кочани украден паричник од 90-годишен маж

90-годишник од Кочани синоќа пријавил кражба што се случила околу 21:30 часот на терасата од неговата семејна куќа.
Според пријавата во ОВР Кочани, едно лице му го одзело паричникот во кој имало пари и лични документи.
Полицијата презема мерки за расчистување на случајот.