Четириесет итригодишен прилепчанец е осомничен за сторени седумнаесет кривични дела „тешка кражба“ извршени на подрачјето на Кичево, каде што во периодот од јануари минатата до август оваа година, извршил уште 46 ограбувања.

Кичевската полиција го пријавила Е.А. од Прилеп, кој во различни временски периоди, со употреба на погодни предмети и кршење на бравите, цилиндарите и стаклата, насилно отворал врати и прозорци од куќи и помошни објекти во Кичево и околината.

Тој влегувал и со качување преку отворен потпокривен простор, а најчеста цел биле куќи чии сопственици се наоѓале на привремена работа во странство. Прилепчанецот од обиените објекти и домови земал пари, златен накит, ЛЦД телевизор, лап топ компјутери, мобилни телефони, текстил, разни видови алати и апарати, рачни машки и женски часовници, постелнини, еден гасен пиштол и други предмети, кои потоа ги продавал.

На 7-ми јули оваа година, тој бил пронајден во Битола по што е извршен претрес во куќата во којашто привремено престојувал. Тука биле пронајдени дел од предметите што потекнуваат од извршените кражби./крај/мф/ффс

Извор: Макфакс