СВР-Скопје поднесе кривична пријава против 20 –годишниот Е.Т. од Скопје ,поради постоење основи на сомнение за сторено кривично дело „тешки дела против безбедноста на луѓето и имотот во сообраќајот“, а од страна на судија на предходна постапка одредена му е мерка притвор во траење од 30 дена.
 

СВР-Скопје поднесе кривична пријава против 20 –годишниот Е.Т. од Скопје ,поради постоење основи на сомнение за сторено кривично дело „тешки дела против безбедноста на луѓето и имотот во сообраќајот“, а од страна на судија на предходна постапка одредена му е мерка притвор во траење од 30 дена.

Имено, во петокот, околу 14 часот во Скопје на крстосницата од булеварот „Партизански одреди“ и улицата „Френклин Рузвелт“ се случи сообраќајна незгода меѓу патничко возило „ауди А4“ со скопски регистерски ознаки, управувано од пријавениот, велосипед „спринт“ управуван од 65-годишниот Нинослав С. од Скопје и автобус. Во незгодата со тешки телесни повреди се здобил велосипедистот кој со возило на брза помош бил пренесен во Ургентниот центар – Скопје, каде што околу во 18.30 часот им подлегнал на повредите. Во периодот од 25-ти до 28-ми септември до 7 часот од страна на СВР-Скопје спроведени се зајакнати контроли во делот на патниот сообраќај, при што преземени се вкупно 473 мерки и притоа издадени се вкупно 214 платни налози за наплата на глоба и 259 покани за наплата на глоба, информираат од МВР. Притоа евидентирано е дека 145 возачи ја пречекориле брзината на движење и тоа за 111 евидентирано е пречекорување на брзина во населено место дo 30 км/ч, а за 35 пречекорување на брзина во населено место над 60 км/ч, така што по однос на овие прекршоци издадеи се 111 платни налози за наплата на глоба и 35 покани за наплата на глоба.Исто така, алкотестирани се 560 возачи и кај 61 лице утврдено е присуство на алкохол, додека двајца возачи одбиле да се алкотестираат. По однос на овој прекршок 63 возачи се исклучени од сообраќај, времено се одземени 51 возачка дозвола и издадени се 63 платни налози за наплата на глоба.Покрај ова евидентирани се 67 неправилно паркирани возила за кои се издадени 64 покани за наплата на глоба како и три платни налози за наплата на глоба. Кај 24 лица за кои се издадени исто толку платни налози утврдено е дека управувале без положен возачки испит; 44 возила се затекнати без валидна регистрација, а 24 возачи минале на црвено светло. Со специјално пајак возило отстаранети се вкупно 95 непрописно паркирани возила на тротоар, пешачка зона, обележан пешачки премин и велосипедска патека. Евидентирани се и четири прекршоци што ги чинат пешаците (неправилно минување коловоз) за што се издадени четири покани за наплата на глоба./крај/мф/бб