Осомничениот скопјанец кој го приведе полицијата во четвртокот како дел од акцијата „Келија“ бил логистичар на групата и неколку пати се обидел да замине за Сирија, но не успеал.

Дваесет и четиригoдишниот скопјанец бил приведен во четвртокот околу 14 часот во близина на Бит Пазар. Последен пат се обидел да замине во Сирија на 3 јуни, но не му било дозволено да замине од Македонија. Полицијата трага и по лицето преку кое вториот пат се обидел да замине преку Турција, кое се уште војува во Сирија на страната на Исламската држава, соопштуваат од МВР.Се претпоставува дека имал намера да замине за Сирија поради извршување на логистички активности за потребите на џихадистите во Сирија кои се по потекло од земјава.Приведениот е спроведен во истражниот затвор во Скопје за издржување на претходно изречената мерка Притвор во времетраење од 30 дена.Во акцијата беа уапсени девет лица, а полицијата трагаше по 27 лица. За 20 од нив постои сомнение дека се се уште на боиштата во Сирија.Ќе одговараат за  „Учество во странска војска, полиција, паравоени или параполициски формации“, дело кое од пред една година е кривично.Според статистиката на МВР, на боиштата во Сирија досега загинале 16 македонски државјани, а се проценува дека 130 наши државјани се бореле или се борат таму./крај/мф/ффс