Црна хроника
Продолжуваат кражбите на македонски регистарски таблички во Грција
![](https://makfax.com.mk/wp-content/uploads/2016/11/grcija20tablici-1.jpg)
Во вторникот на граничниот премин „Богородица“ е пријавен нов случај на украдени регистерски таблички од возило на македонски државјанин.
Во вторникот на граничниот премин „Богородица“ е пријавен нов случај на украдени регистерски таблички од возило на македонски државјанин.
Случајот е пријавен од страна на жител на Кавадарци, сопственик на возило марка „сеат кордоба“ од кое биле украдени регистерските таблички. Сопственикот на возилото пријавил дека во вторникот во Грција му биле украдени комплет регистерските таблички, по што случајот не бил пријавен во грчката полиција.
Покрај овој случај, исто така, и на граничниот премин „Меџитлија“ бил регистриран уште еден случај на украдени регистерски таблички. Случајот е пријавен од страна на жител на Струга, сопственик на возило марка „ситроен C5” од кое биле украдени регистерските таблички.
Стружанецот пријавил дека во вторникот во грчкиот град Пефкохори од неговото возило биле украдени комплет регистерските таблички. Случајот го пријавил во грчката полиција.
Со овие два нови случаи на украдени регистерски таблички бројката на вкупно украдени регистерски таблички за оваа година достигна вкупно единаесет, а досега регистрирани се и пет оштетувања на регистарски ознаки, со што забележуваме континуитет на проблеми од ваков карактер со кои мошне често се соочуваат македонските туристи во Грција, соопштуваат од МВР./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Возило излета од патот Битола-Демир Хисар, тешко повредени две лица
![](https://makfax.com.mk/wp-content/uploads/2023/02/soobrakajka.jpg)
Вчера во 07.00 часот во Полициската станица Демир Хисар било пријавено дека на регионалниот пат Битола-Демир Хисар, на место викано „Чагор“, патничко возило „фолксваген шаран“ со битолски регистарски ознаки, управувано од 19-годишниот Н.Р. од Крушево, излетало надвор од коловозот, извести МВР.
„Во несреќата со тешки телесни повреди се здобиле неговите сопатници М.К.(18) од с.Врбоец, крушевско и П.Р.(45) од Крушево, констатирани во Клиничка болница Битола“, соопшти МВР.
Извршен бил увид од увидна екипа од ОВР Демир Хисар.
Црна хроника
Претрес во Свети Николе, пронајдена дрога
![](https://makfax.com.mk/wp-content/uploads/2024/03/marihuana-zaplena-5.jpg)
Вчера во 16.45 часот во Свети Николе, полициски службеници од Полициската станица Свети Николе го лишиле од слобода 42-годишниот Н.Ј. од Свети Николе, извести МВР.
„При претрес во неговиот дом, извршен по претходно добиена судска наредба, биле пронајдени и одземени марихуана и други предмети поврзани со кривичното дело“, соопшти МВР.
По целосно документирање на случајот ќе следува соодветен поднесок.
Црна хроника
„Опел астра“ удри во велосипедистка: тешко повредена тетовка
![](https://makfax.com.mk/wp-content/uploads/2022/09/velosipedist.jpg)
Вчера околу 21.10 часот на регионален пат Тетово – село Волковија, поточно кај тетовска Брвеница, се случила сообраќајна несреќа во која учествувале патничко возило „опел астра“ со тетовски регистарски ознаки, управувано од 43-годишниот Б.С. од тетовско Прељубиште и велосипед управуван од 57-годишната Р.Р. од Тетово, извести МВР.
„Во несреќата со тешки телесни повреди се здобила Р.Р., констатирани во Клиничка болница Тетово“, соопшти МВР.
Увид на лице место извршила екипа од СВР Тетово.