Најмалку шест лица, меѓу кои пет деца загинаа во вторникот во судир меѓу камион и минибус во близна на Троа, во североисточна Франција, пренесува AFP повикувајќи се на државниот обвинител на округот.

„Станува збор за несреќа со повеќе смртно настрадани“, изјави државниот обвините во Троа, Алекс Перен, во телефонски разговор за агенцијата од местото на трагедијата. Децата на возраст од 11 до 13 години патувале со минибусот, во кој покрај возачот имало и воспитувачка се враќале од излет во гратчето Нанжи кога директно се судриле со тешко товарно возило, a во судирот учествувал уште еден автомобил . Исто така, има и неколку лица со тешки повреди. Несреќата се случила околу 15 часот на патот во општината Куртеранж, десетина километри југоисточно од Троа, се наведува во соопштението на префектурата Обе, во кое се додава и дека на местото на несреќата веднаш пристигнале спасувачки екипи кои сé уште се присутни,а делницата е во прекин.По повод несреќата францускиот претседател Франсоа Оланд веднаш изрази сочувство до семејствата на жртвите и во соопштението наведува дека веста ја примил со „големи емоции“ и оти очекува „целосно расветлување на причините за оваа трагедија“. Министерот за внатрешни работи Мануел Валс, исто така, изрази сочувство до семејствата и роднините на жртвите „кои се соочуваат со ужасна болка“, изразувајќи им поддршка на повредените. /крај/мф/сн

Извор: AFP