Црна хроника
Шестчлена група со финансиски криминал заработила 335.000 евра
Шестчлена група е осомничена дека со финансиски криминал успеала да заработи повеќе од 335.000 евра.
Против нив е поднесена кривична пријава за „Измама“, „Даночно затајување“, „Фалсификување или уништување на деловни книги“, „Помагање“ и кривично дело „Поттикнување“.Според податоците од истрагата, првопријавениот Б.А сопственик и управител на Друштвото за градежништво, трговија и услуги „Бас проект ДООЕЛ“ експорт-импорт од Скопје, со намера да се стекне со противправна имотна корист, во текот на 2013 година искажал и доставил невистинити податоци во ДДВ пријавата за влезниот промет каде за наводно извршени набавки на стоки и услуги искористил фалсификувани влезни фактури од правните лица „Професионал инвест ДООЕЛ“ Скопје и ЦУЗО-ЕС ДООЕЛ увоз-извоз Батинци. Во оваа активност првопријавеиот добил логистика од второпријавениот И.И и четвртопријавениот С.Е кои му помогнале на Б.А да ги доведе во заблуда службените лица задолжени за контрола на повратот на ДДВ при што успеал да наплати 64.000 евра поврат на ДДВ од Буџетот на Република Македонија.Првопријавениот Б.А помогнат од второпријавениот И.И за даночниот период 01.04.2013-30.06.2013 година евидентирал во сметководствената евиденција на правниот субјект „Бас Проект ДООЕЛ“ од Скопје, фиктивни влезни фактури од правното лице „Професионал инвест ДООЕЛ“ Скопје управувано од второпријавениот И.И, врз основа на кои за даночниот период од 1 април до 30 јуни 2013 година до Управата за јавни приходи во ДДВ пријавата искажал лажни податоци и извршил неоснована одбивка на ДДВ во износ од 7.700 евра.Првопријавениот Б.А во периодот Август-Декември 2013 година помогнат од петтопријавениот И.С искористил и влезни фактури за наводно извршени услуги од правното лице „Електро дизајн СТС ДООЕЛ“ увоз-извоз с.Студеничани. Со помош на овие лажни фактури првопријавениот го оштетил Буџетот на Република Македонија за дополнителни 20.000 по основ на ДДВ, а како резултат на прикажаните нереални трошоци во завршната сметка на фирмата за 2013 година, дополнитено затаил 11.000 евра Данок на добивка.Второпријавениот И.И во својство на сопственик и управител на правното лице „Професионал инвест ДООЕЛ“ Скопје, со намера да се стекне со противправна имотна корист во текот на 2012 година искажал и доставил невистинити податоци во ДДВ пријавата за период од 1 јули до 30 септември 2012 година за влезниот и излезниот промет на правното лице „Професионал инвест ДООЕЛ“ Скопје со што успеал да ги доведе во заблуда службените лица задолжени за контрола на повратот на ДДВ и притоа инкасирал од државниот буџет сума од 83.000 евра. Парите добиени од неоснованиот поврат за ДДВ, второпријавениот И.И дел ги подигнал во готово од банкарската сметка на правното лице, а останатите ги префрлил на трансакциски сметки на други физички лица од каде потоа паричните средства се подигнати во готово и истите се користени за различни намени.Во период од 2010 до 2013 година второпријавениот И.И, првопријавениот Б.А и шестопријавениот Р.И од сметката на „Професионал инвест ДООЕЛ“ Скопје подигнале 192.000 евра за наводни материјални трошоци, патни трошоци и теренски трошоци а парите ги користеле за лични потреби со што второпријавениот сторил кривично дело „Даночно затајување“ бидејќи не пресметал и не уплатил персонален данок од доход по пресметковна стапка од 11,11% во износ од 22.000 евра.Третопријавениот Џ.С во својство на сопственик и управител на правното лице „Џигиелектрик-ЏС ДООЕЛ“ увоз извоз од с.Батинци, со намера да се стекне со противправна имотна корист, во текот на 2013 година искажал и доставил до УЈП невистинити податоци во ДДВ пријавата за период од 1 јануари до 31 декември 2012 година за влезниот и излезниот промет на правното лице „Џигиелектрик -ЏС ДООЕЛ“ увоз извоз с.Батинци. Како резултат на оваа измама, пријавениот од Буџетот на Република Македонија си подигнал по основ поврат на ДДВ вкупно 125.000 евра од кои дел подигнал во готово од банкарската сметка на правното лице, а останатите парични средства ги префрлил на трансакциски сметки на други физички лица од кои ги ваделе во кеш.Во периодот 2012-2013 година третопријавениот Џ.С од банкарската сметка на правното лице „Електро дизајн СТС ДООЕЛ“ неосновано подигал парични средства на име материјални трошоци со што затаил 5.000 евра Персонален данок на доход.Финансискиот криминал кој го вршела оваа група осомничени се проценува на сума од над 335.000 евра, за кој износ е оштетен Буџетот на Македонија./крај/со
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Полицијата во патничко возило со скопски регистарски ознаки пронашла 11 мигранти
На влезот во гевгелиското село Богородица, полициски службеници од Полициската станица за граничен надзор и гранични проверки Богородица во патничко возило „ауди“ со скопски регистарски ознаки вчера пронашле 11 лица мигранти.
МВР денеска осопшти дека вчера во 03.50 часот полицијата во патничко возило „ауди“ со скопски регистарски ознаки пронашла 11 лица мигранти, од кои пет лица од Сирија и шест лица од Република Турција.
– Откако ги забележал полициските службеници, возачот на возилото го напуштил местото. Мигрантите биле сместени во прифатно – транзитен центар во Гевгелија. Се преземаат мерки за расчистување на случајот, се појаснува во соопштението од МВР.
Црна хроника
ДУИ го осуди нападот врз претседателот на ФФМ
ДУИ го осуди вчерашниот напад врз претседателот на Фудбалската федерација Муамед Сејдини и изрази загриженост дека ова треба да биде силен аларм дека меѓуетничките тензии во земјата се зголемени.
„Овој инцидент се случува во време кога Владата се однесува како „бик во продавница за порцелан“, игнорирајќи ја и маргинализирајќи ја улогата на Албанците во јавниот и институционалниот живот и потценувајќи ја важноста на меѓуетничките односи. Ваквите постапки, кои доаѓаат во недела со серија други инциденти со етничка заднина, само дополнително ја влошуваат ситуацијата и создаваат опасна атмосфера за меѓуетничкиот соживот“, пишува во соопштението на Демократската унија за интеграција.
ДУИ тврди дека претседателот на ФФМ бил нападнат само поради неговата етничка припадност.
„Овој напад се случува и во контекст на голем неуспех во процесот на европска интеграција, што предизвика длабоко разочарување и ги затемни перспективите и надежите на нашите граѓани. Навредливите изјави на министерката за образование, која ги навреди вработените Албанци, нарекувајќи ги „неписмен народ”, дополнително ги зголемуваат тензиите и поделбите во општеството“, се вели во соопштението на партијата.
ДУИ ги повикува органите да реагираат брзо и професионално за да го расчистат овој случај, а Владата сериозно да размисли за важноста на зачувувањето на меѓуетничките односи и да ги почитува принципите на правично и еднакво застапување на сите граѓани.
Црна хроника
Тешко повреден 72-годишен возач на електричен тротинет
Вчера околу 19.25 часот во СВР Куманово било пријавено дека на ул.„Доне Божинов“ се случила сообраќајна несреќа помеѓу мопед „пежо“, управуван од Д.М.(18) и електричен тротинет управуван од Џ.И.(72), двајцата од Куманово.
„Во несреќата со тешки телесни повреди се здобил возачот на тротинетот, констатирани во Општата болница во Куманово“, информираат од МВР.
Извршен бил увид од увидна екипа на СВР Куманово.