Скопската полиција поднесе кривична пријава за дело „тешка“ кражба за 21-годишен скопјанец кому му е одреден осумдневен притвор, кој кон крајот на август кај Железничката станица во Скопје украл возило „лада нива“, кое потоа ја преправал за да може да ја користи за превоз на дрва.

Имено, пријавениот идентификуван со иницијалите на А.П. 24-ти август, половина час по полноќ на паркингот под Железничката станица Скопје, го забележал паркираното возило „лада нива“со велешки регистарски ознаки, по што ја обил бравата од возачката врата ја отворил и влегол, а потоа со погоден предмет го ставил возилото во погон и побегнал.

„Ладата“ потоа ја паркирал во гаражата која се наоѓа во дворот од неговиот дом, додека регистарските ознаки ги демонтирал и ги уништил. Потоа извршил замена на предните гуми и бандажи, при што ставил стари бандажи и гуми, а извадените бандажи ги продал, додека гумите ги подготвил за продажба. Резервната гума со бандажот како и предните трепкачи ги извадил и демонтирал од предметното возило и нив ги продал.

ака преправеното возило го користел за лични потреби, односно превоз на дрва од блиската планина до неговиот дом.

По добиени оперативни сознанија дека возилото се наоѓа во домот на пријавениот од страна на полициски службеници по судска наредба извршен е претрес при што пронајдени се две возила „лада нива“ од кои е утврдено дека едното е предмет на кривичното дело , а додека кај другото возило бил исечен и отстранет бројот на шасија. При претресот пронајдени се и повеќе делови од возило „лада нива“ кои со потврда за привремено одземени предмети истите биле одземени./крај/мф/ффс

Извор: Макфакс