Црна хроника
Стечаен претставник од Кожарскиот комбинат Куманово осомничен за кражба од над 3 милиони денари

Претставник на стечајните работници од Кожарско преработувачкиот комбинат Куманово е осомничен дека за две години од магацинот украл роба од околу 3.550.000 денари.
Кражбата ја пријавил стечајниот управник на Комбинатот којшто е во стечај, а полицијата за кражбата го сомничи шеесет и едногодишниот стечаен претставник. Нему му бил доверен клучот од магацинот на Комбинатот, а според полицијата, тој од 2013 до 2015 континуирано изнесувал различна роба, кожа и кожни производи од магацинот.При претрес на домот на осомничениот и други три простории на три локации одземени се разни предмети за кои постои сомнение дека се сопственост на „Кожарско преработувачкиот комбинат Куманово“. При претресот пронајдени се повеќе од 100 парчиња машки и женски кожни јакни и бунди, 62 бали разновидна кожа, женски здолништа, женски чанти, кожни елеци, женски и машки пликоа, кожни мантили, паричници, ремени, машини за шиење на кожа, разни делови за машини и многу други предмети. Сите предмети се запечатени, пренесени во магацинот на фабриката и истиот е пломбиран.По целосно расчистување и документирање на настанот против осомничениот ќе биде поднесен соодветен поднесок./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Два месецa посредувал при проституција на 23-годишна државјанка на Косово, сместена во неговиот мотел, притвор за тетовец

Основното јавно обвинителство Тетово поведе постапка против 48-годишник осомничен за кривично дело – Посредување при вршење проституција од член 191 став 2 од Кривичниот законик.
„Осомничениот делото го вршел во неколку наврати во последните два месеци, обезбедувајќи клиенти за 23-годишна косовска државјанка сместена во неговиот мотел. Таа сексуалните услуги ги наплаќала, а поголемиот дел од заработката му го давала на осомничениот“, соопшти Обвинителството.
По предлог на јавниот обвинител на осомничениот му е определена мерка притвор, додека жртвата е сместена во транзитен центар за странци до завршување на постапката.
Црна хроника
28-годишник возел со 2,04 промили алкохол во крвта, полицијата уапси пијани возачи во Македонска Каменица, Кочани и Виница

Изминатата ноќ полицијата апсеше пијани возачи во Кочани, Македонска Каменица и Виница. Сите се исклучени од сообраќај и задржани во полициска станица.
„Синоќа во 03.20 часот на улицата Александар Македонски во Македонска Каменица, полициски службеници го лишија од слобода Р.А.(28) од Македонска Каменица. При контрола во патниот сообраќај, полициските службеници запреле патничко возило ’ауди’, управувано од Р.А. и било утврдено дека е под дејство на алкохол, односно дека има 2.04 промили алкохол во крвта. Исто така во Македонска Каменица, на 24.07.2025 во 23.02 часот на улицата .Гоце Делчев полициски службеници го лишија од слобода Т.Г. (49) од село Жиганци, општина Чешиново-Облешево, затоа што управувал патничко возило ’шкода’ под дејство на алкохол, односно имал 1,55 промили алкохол во крвта.
Денеска (26.07.2025) во 00.20 часот на улицата ’Искра’ во Кочани, полициски службеници го лишија од слобода Ф.К.(21) од Кочани, кој управувал патничко возило ’сузуки’ со 1,56 промили алкохол во крвта, утврдени при контрола во патниот сообраќај.
Исто така денеска, во 02.10 часот во Виница, полициски службеници го лишија од слобода Т.Л.(33) од Кочани. При контрола во патниот сообраќај, било констатирано дека Т.Л. управувал патничко возило ’голф’ со 1,57 промили алкохол во крвта“, соопшти МВР,
По целосно документирање на случаите, против пијаните возачи ќе бидат поднесени кривични пријави по член 297-а од Кривичниот законик „безобѕирно управување со моторно возило“.
Црна хроника
Лишени од слобода 12 лица во Гевгелиско, полицијата најде дрогa

Полициски службеници од СВР Струмица-ОВР Гевгелија синоќа во периодот од 22.00 до 03.00 часот на локален пат од село Миравци кон место викано „Бел Рај“, Гевгелиско ги лишиле од слобода Б.Ј.(25), С.Н., М.К.(31), Н.М.(20), А.И.(24), Ф.П.(22) и Д.Б.(34) сите од Скопје, Г.А.(21) и Т.Ј.(38) и двајцата од Кавадарци, К.П.(21) од Неготино, П.З.(38) од Радовиш и Е.Ј.(22) од Берово.
Како што соопшти МВР, во осум поединечни случаи при преглед на лицата или во возилата во кои се превезувале биле пронајдени марихуана и четири таблети виолетова боја.
За сите настани бил запознаен јавен обвинител од Основното јавно обвинителство Гевгелија, а по документирање на случаите против лицата ќе бидат поднесени соодветни поднесоци.