Црна хроника
Стружанец заминал да собира печурки, најден бил премрзнат
![](https://makfax.com.mk/wp-content/uploads/2016/11/isceznat.jpg)
Жител на струшкото село Враништа бил најден премрзнат откако излегол од дома да собира печурки, но два дена не се вратил.
Седумдесетгодишниот старец на 12-ти ноември заминал да собира печурки во пределот Ќафасан – Мали Влај, но не се вратил, па членови на неговото семејство вечерта околу 20.30 часот го пријавиле во полиција за исчезнат.Во потрагата бил ангажиран поголем дел од униформираниот полициски состав, инспектори од криминалистичката полиција како и две лица од селото Мали Влај.Старецот бил најден следниот ден околу 13.30 часот на местото „Врагудењца“ лоцирано во атарот на селото Радожда. Полицајците го забележале во планинскиот дел источно од магистралниот пат Струга-Ќафасан. Старецот бил во хипотермичка, свесна но неконтактибилна состојба. Со медицинско возило е пренесен во Општата болница во Струга на понатамошно лекување./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се запали БМВ во Драчево
![](https://makfax.com.mk/wp-content/uploads/2022/06/zapaleno-vozilo.jpg)
Денеска во 00.55 часот во СВР Скопје било пријавено дека на подрачјето на Драчево, во двор од семејна куќа на К.К.(30) од Скопје, настанал пожар во неговото патничко возило БМВ со скопски регистарски ознаки.
Од Бригадата за противпожарна заштита пожарот бил изгаснат, а повредени лица нема. Се преземаат мерки за расчистување на случајот.
Црна хроника
Тројца малолетници тепале и со остар предмет повредиле 22-годишно момче
![](https://makfax.com.mk/wp-content/uploads/2022/08/noz.jpg)
Полициски службеници лишиле од слобода тројца малолетници поради физички напад, соопшти МВР.
-Денеска (07.09.2024) во 02.40 часот полициски службеници од полициската станица Центар лишиле од слобода тројца малолетници од Скопје, Крива Паланка и Струмица поради постоење основи на сомнение дека во Градскиот парк во Скопје физички го нападнале Б.С.(22) од Скопје и притоа со остар предмет му нанеле повреда, стои во соопштението.
По целосно документирање на случајот ќе следува соодветен поднесок, додаваат од МВР.
Црна хроника
Средношколец од Скопје се заканувал на вработени и кршел инвентар
![](https://makfax.com.mk/wp-content/uploads/2020/08/Screen-Shot-2020-08-04-at-9.50.30-AM.png)
Средношколец од Скопје, вчера попладне упатувал закани кон вработени во училиште, при што оштетил и дел од инвентарот, соопшти МВР.
-На 06.09.2024 во 20.20 часот во СВР Скопје, било пријавено дека околу 16.50 часот во средно училиште на подрачјето на општина Аеродром, ученик во службени простории агресивно се однесувал кон вработените во училиштето и им упатувал закани, по што оштетил и дел од инвентарот, стои во соопштението на МВР.
МВР соопшти дека е известен јавен обвинител за малолетници. Се преземаат мерки за расчистување на случајот.