Татко и син ноќта во петокот, според кажувањето на инвовлираните, поради нерасчистени семејни односи ги нападнале своите сватови во нивниот дом на улицата „Вашингтонска“, во скопската општина Шуто Оризари.
 

Татко и син ноќта во петокот, според кажувањето на инвовлираните, поради нерасчистени семејни односи ги нападнале своите сватови во нивниот дом на улицата „Вашингтонска“, во скопската општина Шуто Оризари.

Инцидентот се случил по 23 часот во петокот, додека 50-годишниот Н.Е.Х. седел во неговиот дом заедно со неговата сопруга 46-годишната Л.Х. и неговиот син 18-годишниот Х.Р., дошол неговиот сват Х.И. со својот син Х.И., кои според пријавата без повод и причина почнале да го удираат со тупаници

Притоа Х.И. со палка го удрил во пределот на раката и вратот домаќинот, додека неговиот син Х.И. со метален предмет го удрил во пределот на грбот.

Во истиот момент од домот излегле и браќата Х.Н. и Х.И., по што и тие биле нападнати од страна на таткото и синот со предметите кои ги држеле во рака, по што физичкиот напад продолжил и на улицата.

Поради предизвикан страв, сопругата на Х.Р. со нивното бебе избегала кај соседите да побара помош.

Причина за настанот според кажувањето биле се нерасчистени семејни односи. Се преземаат мерки за целосно расчистување на случајот./крај/мф/ффс

Извор: Макфакс