СВР Тетово поднесе кривична пријава против 37-годишниот Т.Џ., од Тетово, поради основи на сомнение дека сторил две кривични дела „злоупотреба на службена положба и овластување“ и „разбојништво“. 

Пријавениот кој е полициски службеник во СВР Тетово, во петокот околу 20,30 часот, движејќи се со непознато возило по автопатот Скопје – Тетово сигнализирал на возило „мерцедес“ со германски регистарски ознаки да запре, при што осомничениот со полициската униформа на себе по кус разговор со возачот и по проверка на торбите кои биле кај сувозачот на возилото од задниот дел на возилото каде што се наоѓала ќерката на возачот одзел две торби во кои имало три часовници, два мобилни телефони, разновиден златен накит и облека, чија вкупна вредност се проценува на околу 700 евра и се одалечил од местото на настанот.

Судија во претходна постапка на Основниот суд Тетово на осомничениот му одреди мерка притвор во времетраење од 30 дена./крај/мф/бс