Црна хроника
Триесетдневен притвор за осомничениот за убиствата во Кавадарци

Судија во претходна постапка во Основниот суд Велес му одреди триесетдневен притвор на осомничениот Тони Станоев за трикратното убиство во Кавадарци.
Тој утрово беше на распит во Велешкиот суд за да ги објасни мотивите за трикратното убиство. Осомничениот беше уапсен во вторникот на гробиштата во Кавадарци со пиштолот во раце, со којшто го изврши трикратното убиство.Осомничениот во неделата ги уби таткото, мајката и сестрата на својата сопруга, со која биле во брак десет години и имале две малолетни деца. Пред извесно време сопругата започнала бракоразводна постапка, а против него и претходно имало пријави за семејно насилство.Осомничениот во текот на конфликтот од 2001-та бил ангажиран во резервниот состав, а за пиштолот што го поседувал имал дозвола. Во четврток ќе бидат погребани жртвите на масакрот, а градоначалникот денот на погребот го прогласи за ден на жалост./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Во Илинден приведен крадец баран со потерница

Попладнево во населба Илинден во Скопје, полициски службеници од Оперативениот тим потраги при СВР Скопје го лишиле од слобода З.Т.(47) од населба Илинден. Тој бил баран по централна потерница по наредба на Основен кривичен суд Скопје за издржување казна затвор од една година и четири месеци за сторено кривично дело “тешка кражба” по член 236 од Кривичниот законик.
Лицето ќе биде спроведено во надлежната казнено – поправна установа за издржување на казната.
Црна хроника
Уапсен 45-годишен скопјанец оти нападнал полицаец на должност

Полицијата вчера уапси 45-годишен скопјанец откако нападнал полицаец кој бил на должност.
„На 07.02.2025 во 11.55 часот во Скопје, пред трговски центар на подрачјето на Центар, полициски службеници од СВР Скопје го лишиле од слобода З.С.(45) од Скопје затоа што физички нападнал полициски службеник кој извршувал службени дејствија“, извести полицијата.
По документирање на случајот, ќе следува соодветна пријава за напаачот на полицаецот.
Црна хроника
Во Виница пронајден 16-годишниот штитеник на Дом за деца без родители од Штип кој избега пред две недели

Синоќа во Виница полицијата го најде 16-годишниот штитеник на мал групен Дом за деца без родители во Штип, кој беше пријавено дека избегал пред две недели.
„На 07.02.2025 во 20.00 часот во Виница, полициски службеници од ОВР Виница го пронашле А.М.(16) од Струмица, штитеник на Мал групен дом за деца без родители и родителска грижа во Штип, а за кој на 24.01.2025 во СВР Штип од Јавната установа Меѓуопштински центар за социјални работи Штип беше пријавено дека се оддалечил од установата“, извести полицијата.