Полицијата го уапси четириесетгодишниот Тони Станоев, кој се сомничи дека во неделата попладне ги застрелал сестрата, таткото и мајката на својата сопруга, потврдиja од МВР.

Трикратниот убиец бил фатен пред половина час на гробиштата во Кавадарци, а полицијата му го нашла и пиштолот со којшто го изврши убиството.Во моментот на апсењето тој почнал да бега, по што полицијата испукала неколку предупредувачки куршуми. Прашувал „дали се живи“, мислејќи на жртвите кои се убиени.

„МВР со целиот свој капацитет преземаше мерки и активности за лоцирање и приведување на сторителот и наоѓање на оружјето. Утрово сторителот е приведен и оружјето е обезбедено, а понатаму продолжува постапката по однос на целосно завршување на сите истражни дејствија поврзани со ова убиство“ изјави министерката за внатрешни работи, Гордана Јанкулоска.

Станоев бил во брак со Даниела десет години и имале две малолетни деца. Во моментот се водела бракоразводна постапка, а претходо бил пријавуван во полиција за семејно насилство.Во моментот на убиството неговата сопруга била на работа, кога се вратила ги нашла своите најблиски застрелани./крај/мвр/

Извор: Фото: Дневник