Уапсени пет македонски државјани за продажба на 100 грама хероин, додека се трага по еден турски државјанин кој е недостапен за органите на прогонот.

Во текот на ноември турскиот државјанин од Турција незаконски набавил хероин и го транспортирал во Македонија за да биде продаден. На почетокот од декември четворица скопјани требало да го препродадат хероинот, но продажбата им одела тешко бидејќи хероинот бил неквалитетен, па ја спуштиле продажната цена и се договориле да го продаваат во помали количества.Хероинот го купил гостиварец на средба со сега приведените во саботата. Но, полицијата го запрела неговото возило „опел астра“ и при претресот најдено е едно полиетиленско пакување со прашкаста материја со светлокафена боја.Одземената прaшкаста материја е предадена во Одделот за криминалистичко технички испитувања и вештачења при Министерството за внатрешни работи поради натамошно вештачење. По извршено вештачење утврдено е дека станува збор за наркотична дрога хероин со вкупна тежина од 99,8 гр. Запленетиот хероин при продажба на домашниот нарко пазар на мало би достигнал цена од 2.500 евра.На уапсените им е одреден притвор во траење од 30 дена. Инаку досега, во рамки на операцијата „Мрежа“ кривично се пријавени над 160 лица, а запленети се и над 520 килограми разни видови наркотици. /крај/мф/