Пари, разен накит и лап-топ компјутери биле украдени од куќи во Охрид и во село Долно Лакочереј при што крадците се стекнале со противправна имотна корист од околу илјада евра. Полицијата ги уапси двајцата арамии и против нив поднесе кривични пријави за „тешка кражба“ и „прикривање“, соопшти Министерството за внатрешни работи.

Имено, лицето Г.С. (35) од Долно Лакочереј, охридско, кон крајот на март оваа година, со употреба на физичка сила насилно го отворил прозорецот од приземје на куќа на улицата „Радојца Новичиќ“ во Охрид и по извршеното пребарување, одзел два лап-топ компјутери, околу 10.000 денари, 200 евра, сребрен и „Сваровски“ накит.

Еден од украдените лап-топ компјутери, подоцна бил даден на залог кај второпријавениот В.Т. (39) од Охрид, кој потоа го продал за 2.000 денари.

Кон средината на април, Г.С. со употреба на физичка сила насилно отворил влезна врата од куќа во селото Долно Лакочереј од каде одзел 9.000 денари.

Со извршените тешки кражби, Г.С. и В.Т.  се стекнале со против-правна имотна корист од 59.000 денари.

Инаку, пријавените Г.С. и В.Т. се лица познати на полицијата против кои, за вакви и други казнени дела, и досега им биле поднесувани повеќе кривични пријави.крај/мф/сд