Црна хроника
Украдени повеќе од милион денари од поштата во село Буковиќ

Повеќе од милион денари биле украдени во вторник од поштата во скопското село Буковиќ, соопшти Министерството за внатрешни работи.
Кражбата, во експозитурата на ’Македонска пошта’, ја извршиле две маскирани лица вооружени со пиштоли. Разбојниците нападнале еден од тројцата вработени и една странка што се заткнала во поштата при што одзеле 1.108.000 денари.
Полицијата презема мерки за откривање на сторителите.
Во последните неколку месеци експозитурите на ’Македонска пошта’ се честа мета на вооружените разбојници низ цела Македонија.
Само во јуни пријавени се три кражби и тоа: во експозитурата во Железара од каде што беше украден сеф со 300 денари, потоа во експозитурата на Бит Пазар од каде што беа украдени 1.300 евра и во прилепското село Воѓани, од каде што разбојникот украде околу 300 евра./крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
17-годишник тешко повреден кога со возилото излетал од патот во Струшко

Ноќеска во 22:10 часот, на локален пат во струшкото село Радолишта, патничко возило „голф“ со струшки регистарски ознаки, управувано од 17- годишно момче од струшкото село Франгово, излетало од патот.
Возачот се здобил со тешки телесни повреди, констатирани во болницата „Св.Еразмо“ во Охрид, а 15-годишен сопатник од селото Заграчани со телесни повреди, констатирани во Општата болница во Струга.
Извршен е увид од увидна екипа од СВР Охрид.
Црна хроника
Прегазен малолетник во Охрид

Синоќа во 21:05 часот, на булеварот „Туристичка“ во Охрид, патничко возило „даихатсу“ со скопски регистарски ознаки, управувано од С.Г.(69) од Скопје, удрило во малолетен пешак од Охрид.
Во несреќата со тешки телесни повреди се здобил малолетникот, констатирани во Специјалната болница „Св.Еразмо“ Охрид.
Полицијата соопшти дека е извршен увид од увидна екипа од СВР Охрид.
Црна хроника
Мајка замавнала со ножот и го повредила синот: при семејна расправија во Дебар

Вчера во 17 часот во Дебар, полициски службеници од ОВР Дебар ја лишиле од слобода 62-годишната Т.В. од Дебар.
Таа околу 15:30 часот при расправија во семејниот дом со остар предмет замавнала и нанела повреда на нејзиниот 31-годишен син.
По целосно документирање на случајот ќе следува соодветна пријава, соопшти полицијата.