Црна хроника
Украдени таблички од автомобил на македонски турист во Солун
Со почетокот на летната сезона продолжува традицијата на оштетување на возилата на македонските туристи во Грција. Минатата недела во Солун биле украдени регистарски таблички од автомобил на битолчанец, соопшти Министерството за внатрешни работи.
Кражбата била евидентирана на 26-ти јуни на граничниот премин Богородица. Како што информира МВР битолчанецот Н.Б. пријавил дека во Солун му биле украдени регистарските таблички од неговиот автомобил марка ‘пасат’ и дека не ја пријавил кражбата во грчката полиција.
Инаку, како што претходно информираше МВР, годинава беа регистирани две оштетувања на регистарски таблички на возила на македонски граѓани во Грција.
Во првиот случај битолчанката Р.Т. пријави дека на 21. април во Лефкада, со црн спреј и се оштетени предната и задната регистарска таблица на автомобил марка ‘пежо’.
Во вториот случај, на 06. мај лицето Х.Ц. од Скопје кој управувал автомобил ‘мерцедес’ со скопски регистарски ознаки, пријавил дека во Солун му била оштетена со црн спреј предната регистарска таблица и предната десна страна од возилото.
Од овие случаи само случајот во Лефкада е пријавен во грчката полиција, но МВР сè уште нема добиено никаква информација од грчките колеги за настанот.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна Турчинка која престојувала во хотел во Скопје
Вчера во 23.00 часот во Полициската станица Бит Пазар, Е.Б.(34) од Република Турција пријавила дека нејзината мајка А.П.О.(73) од Република Турција се оддалечила од хотел во Скопје каде престојувала.
Се преземаат мерки за пронаоѓање на лицето.
Црна хроника
Скопјанец натепал скопјанка во Карпош, а потоа агресивно се однесувал и со полицајците
Вчера во 11.20 часот на подрачјето на Карпош, полициски службеници од СВР Скопје го привеле К.Л.(41) од Скопје, затоа што физички ја нападнал О.Л.(39) од Скопје, а потоа агресивно се однесувал кон полициски службеници кои извршувале службени дејствија.
По целосно документирање на случајот ќе следува соодветен поднесок.
Црна хроника
Оштетил паркирано возило, врата и инвентар во кафеана, такси-возило: кривична против маж од Делчево
Надворешната канцеларија за криминалистички работи Делчево поднесе кривична пријава против В. А. (36) од Делчево.
Тој се сомничи за сторено кривично дело насилство.
На 8.5.2024 пријавениот оштетил влезна врата и друг инвентар во угостителски објект, се обидел да оштети стакло од возачка врата на такси-возило, во обложувачница оштетил врата од наплатниот пулт, по што оштетил возило паркирано пред Територијалната противпожарна единица и физички нападнал двајца вработени.