Црна хроника
Внукот на Рафиз Алити спроведен во затвор за пожарот во Пошта
Внукот на Рафиз Алити, пратеник од ДУИ, Арменд Фазлиу утрово бил приведен на издржување на казната затвор за предизвикување на пожарот што избувна во „Македонска пошта“ којшто предизвика огромна материјална штета.
„СВР Скопје утрово околу 10 часот, постапувајќи по судска наредба, го приведе триесетгодишниот А.Ф. за издржување на затворска казна“, велат од МВР.Фазлиу беше осуден на 14 март минатата година на две години затвор, но Апелациониот суд му ја намали казната на една година и шест месеци. Фазлиу поднел молба до Судот за одлагање на издржувањето на затвоската казна, но откако ги исцрпил сите законски можности и судот му ја одбил молбата, дадена е наредба за негово приведување.„Откако лицето ги има исцрпено сите законски можности за одлагање на извршување на затворската казна, односно откако на 10.02.2015 му е издаден упатен акт , обвинетиот на 17.02.2015 поднел молба за одлагање за извршување на казната затвор до судија за извршување санкции при Основниот суд Скопје 1 – Скопје. Со решение од 19.05.2015 година судијата му ја отфрлил молбата на што истиот се жалел до Кривичниот совет на овој суд . На 13.07.2015 година советот ја одбил жалбата како неоснована со што решението на судијата за извршување санкции се потврдува. Откако се завршени сите законски можности и рокови, на 04.09.2015 година судијата за извршување санкции издаде наредба до МВР за спроведување на лицето на издржување на казната“, соопштуваат од Судот.Фазлиу кој беше шеф на кабинет на Рафиз Алити, тогашен директор на „Македонска пошта“ се товари за тешко дело против општата сигурност на луѓето и имотот, односно за предизвикување на пожарот кој во 2013 година го зафати главниот објект во центарот на Скопје и предзивика голема материјална штета од 100.000 евра./крај/мф/ффс
Извор: Фото: Академик.мк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Работник од Дебар загина по несреќа на градилиште, починал на пат кон болница
Работник од Дебар го загуби животот по несреќа на градилиште што се случила вчера претпладне.
Како што било пријавено во ОВР Дебар околу 11:35 часот од Итната медицинска помош, 40-годишниот С.К. од Дебар починал на пат кон болницата во градот. Според информациите, околу 11:15 часот тој паднал од зграда во изградба на улицата „Братство единство“ во Дебар, каде што бил ангажиран на работа.
По несреќата, повредениот бил пренесуван кон болницата, но им подлегнал на повредите за време на транспортот.
На местото на настанот излегле трудов инспектор и јавен обвинител, а по нивна наредба телото на починатиот е предадено на обдукција. Увид на локацијата извршила екипа од ОВР Дебар.
Црна хроника
Две жени тешко повредени додека се движеле пеш во одделни сообраќајни несреќи во Скопје
Во два одделни сообраќајни инциденти што се случиле вчера во Скопје и околината, две жени пешаци се здобиле со тешки телесни повреди, по што биле пренесени на лекување.
Првата несреќа била пријавена во раните утрински часови. Околу 06:50 часот, во селото Петровец, во општина Петровец, патничко возило „шкода“ со скопски регистарски ознаки, управувано од 46-годишниот Д.К. од Петровец, удрило во 61-годишната Ј.Ц. од Скопје. Жената се здобила со тешки телесни повреди, кои биле констатирани во Градска општа болница „Св. Наум Охридски“. На местото на настанот бил извршен увид од увидна екипа на СВР Скопје.
Неколку часа подоцна, околу 12:00 часот, уште една жена била тешко повредена во сообраќајна несреќа во Скопје. На крстосницата меѓу улиците „Московска“ и „Женевска“, патничко возило „цитроен“ со скопски регистарски ознаки, управувано од 54-годишниот В.Т. од Скопје, удрило во 74-годишната Љ.В., исто така од Скопје. И во овој случај, повредите биле оценети како тешки и биле констатирани во Градската општа болница „Св. Наум Охридски“. Увид на местото извршила увидна екипа од СВР Скопје.
Се преземаат мерки за целосно расчистување на двата случаи.
Црна хроника
Уапсени крадци од Куманово и кумановско, следуваат соодветни пријави
Ноќеска во 01:45 часот, полициски службеници од СВР Куманово го лишија од слобода 30-годишниот А.С. од село Романовце, кумановско. Тој е затекнат во куќа во село Романовце, сопственост на Х.Ш., при обид да одземе предмети.
Вчера во 16:40 часот, полициски службеници од СВР Куманово го лишија од слобода 32-годишниот У.З. од Куманово. Тој се сомничи дека на 01.01.2026 со употреба на сила влегол во деловен простор на плоштад „Нова Југославија“ во Куманово и одзел предмети.
Тие се приведени во полициска станица и по целосно документирање на случаите против нив ќе следуваат соодветни пријави.

