Црна хроника
Во бегство кавадарчанецот кој ги застрела мајката, таткото и сестрата на неговата сопруга

Кавадарчанец во неделата попладне изврши трикратно убиство, ги застрела мајката, таткото и сестрата на неговата сопруга, соопшти МВР.
Четириесетгодишниот Тони во неделата околу 16 часот седел со пријатели во кафуле, на главната улица во Кавадарци. Во еден момент станал и си заминал, а на никого не му кажал каде оди.Отишол во семејната куќа на неговата сопруга, што се наоѓала во центарот на градот, и ги застрелал бабата и дедото, како и балдската, која била случајна гостинка. Пред извесно време, во петокот Тони се развел од својата сопруга Данче со која имале две малолетни деца. Се претпоставува дека ова е причината за трикратното убиство, а меѓу кавадарчани се зборува дека зетот ги малтретирал и децата и семејството на својата сопруга подолго време. Убиството го извршил со пиштол за којшто имал дозвола, бидејќи порано бил бранител. Неговата сопруга работела како дактилографка во кавадаречкиот суд.По убиството, веднаш избегал и полицијата сѐ уште трага по него./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Во Илинден приведен крадец баран со потерница

Попладнево во населба Илинден во Скопје, полициски службеници од Оперативениот тим потраги при СВР Скопје го лишиле од слобода З.Т.(47) од населба Илинден. Тој бил баран по централна потерница по наредба на Основен кривичен суд Скопје за издржување казна затвор од една година и четири месеци за сторено кривично дело “тешка кражба” по член 236 од Кривичниот законик.
Лицето ќе биде спроведено во надлежната казнено – поправна установа за издржување на казната.
Црна хроника
Уапсен 45-годишен скопјанец оти нападнал полицаец на должност

Полицијата вчера уапси 45-годишен скопјанец откако нападнал полицаец кој бил на должност.
„На 07.02.2025 во 11.55 часот во Скопје, пред трговски центар на подрачјето на Центар, полициски службеници од СВР Скопје го лишиле од слобода З.С.(45) од Скопје затоа што физички нападнал полициски службеник кој извршувал службени дејствија“, извести полицијата.
По документирање на случајот, ќе следува соодветна пријава за напаачот на полицаецот.
Црна хроника
Во Виница пронајден 16-годишниот штитеник на Дом за деца без родители од Штип кој избега пред две недели

Синоќа во Виница полицијата го најде 16-годишниот штитеник на мал групен Дом за деца без родители во Штип, кој беше пријавено дека избегал пред две недели.
„На 07.02.2025 во 20.00 часот во Виница, полициски службеници од ОВР Виница го пронашле А.М.(16) од Струмица, штитеник на Мал групен дом за деца без родители и родителска грижа во Штип, а за кој на 24.01.2025 во СВР Штип од Јавната установа Меѓуопштински центар за социјални работи Штип беше пријавено дека се оддалечил од установата“, извести полицијата.