Скопската полицијата во раните утрински часови во саботата добила пријави за два одделни напада извршени од најверојатно две различни групи од по четири лица, кои ограбиле бензинска црпка и пешак.
 

Скопската полицијата во раните утрински часови во саботата добила пријави за два одделни напада извршени од најверојатно две различни групи од по четири лица, кои ограбиле бензинска црпка и пешак.

Прво околу 4,30 часот на улицата „Македонско-косовска бригада“, поточно на бензинска пумпа „Пуцко петрол“, четири непознати маскирани лица со закана со пиштол го одзеле дневниот промет од вработените по што го напуштиле местото на настанот.

Половина час подоцна, на улицата „Кеј Димитар Влахов“, исто така, во Скопје, лице кое се движело пешки било нападнато од страна на четири за него непознати лица, кои биле со возило.

Четворицата насилници излегле од возилото, при што еден од нив го удрил пешакот во пределот на главата и откако овој паднал, другите физички го нападнале барајќи му го мобилниот телефон, а потоа насилно му одзеле една машка ташна во која имал 300 евра, 3.000 денари, разни кредитни картички и други лични документи, по што лицата влегле во возилото и го напуштиле местото на настанот.

Се преземаат мерки за пронаоѓање на сторителите и целосно расчистување на двата слуачи информираа од СВР Скопје./крај/мф/ффс

Извор: Макфакс