Црна хроника
Во верижен судир на пет возила еден тешко повреден

Во сообраќајната несреќа која во понеделникот се сличи на автопатот Велес -Скопје, во која учествуваа пет патнички возила, едно лице е тешко повредено, додека другите патници по укажаната лекараска помош се пуштени на домашно лекување, соопшти во вторникот Министерството за внатрешни работи.
Како што беше инфромирано во понеделникот, околи 9,30 часот на автопатот Велес-Скопје, на околу 400 метри пред наплатната рампа „Отовица“, се случи сообраќајна незгода во којашто учествивале автомобил „мазда“ со прилепски регистарски ознаки, управувано од Р.Р. (63) од Прилеп, џип „опел фронтера“ со велешки регистарски ознаки управувано од М.Н. (52) од Кавадарци, автомобил „мерцедес“ со кавадаречки регистарски ознаки, управувано од Р.Т. (22) од Кавадарци, „фолксваген голф“ со прилепски регистарски ознаки, управувано од К.Н. (37) од Прилеп и „волво“ со кавадаречки регистарски ознаки, управувано од Т.Р. (53) од Кавадарци.
По незгодата, со возила на Итна медицинска помош, во Општа болница Велес биле пренесени седум учесници во сообраќајната незгода од кои тешки телесни повреди се констатирани кај возачот Р.Р. од Прилеп, додека кај другите биле констатирани телесни повреди и по укажаната лекарска помош се пуштени на домашно лекување./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.