Тројца демонстранти од првата група добија условни казни, додека еден демонстрант кој не е достапен за полицијата доби затворска казна за протестите пред Влада на 5-ти мај.

Тројцата демонстранти добија условни казни од три месеца, кои нема да се извршат доколку во рок од една година не сторат друго кривично дело. Тие ја признаа вината дека го сториле делото учество во толпа што ќе спречи службено лице во вршење службено дејствие.

Судот му одреди една година затвор на уште еден демонстрант, кој не е достапен на полицијата.

На судското рочиште што се одржа во вторникот на кое им се судеше на демонстрантите од првата група, двајца демонстранти исто така добија условни казни, додека двајца од нив се изјаснија дека не се виновни и судот за нив ќе одлучува дополнително.

Пред една седмица, пак, ѝ се судеше на втората група демонстранти, во којашто беа обвинети девет лица, осуммина добија условни казни освен вујкото на Мартин Нешкоски кој беше осуден на затвор, бидејќи и претходно бил осудуван за вакви дела.

Протестите пред Владата на 5-ти мај беа организирани по објавувањето на телефонските разговори во коишто наводно владини функционери се обидуваат да го сокријат убиството на Мартин Нешкоски и завршија со повредени и приведени./крај/мф/ффс