Контакт

Daily news

(Видео) Скандал „Македонија“: Кривична за Мими Ѓоргоска-Илиевска, ги пречекорила овластувањата, државата е оштетена со 68.000.000 денари

Објавено пред


За кривично дело злоупотреба на службената положба и овластувањето поранешната директорка на Агенцијата за филм, Мими Ѓоргоска-Илиевска, заработи кривична пријава од Управата за финансиска полиција. Пријавата е поднесена во консултација со Основното јавно обвинителство за гонење организиран криминал и корупција, кое констатирало дека во периодот од 26.10.2016 до 18.9.2017 година Илиевска со пречекорување на своето службено овластување склучила анекс-договор, со кој извршила промена на условите на основниот договор за финансирање на проектот – играната серија „Македонија“, во вредност од 283.000.000 денари, при што го намалила бројот на епизоди од 130 на 80, без притоа да изврши намалување на цената. Со тоа ја зголемила вредноста на проектот 62 отсто, односно 109.000.000 денари во корист на Винко Грубишиќ, продуцент на „Јадран филм“ и државјанин на Хрватска.

Ова беше објавено на денешната прес-конференција во Управата за финансиска полиција, која подолго време го истражува скандалозниот проект кој од државата можеше да одлее 4,2 милиони евра. Директорот на Управата за финансиска полиција рече дека во соработка со хрватските колеги се расчистува и одливот на парите во фирмите во Хрватска, каде што завршиле најголем дел од средствата, за каква намена се користени и со каква дејност овие фирми се занимаваат. Досега е констатирано дека 3 од фирмите каде што се префрлени парите се во стечајна постапка.

Спротивно од член 4, став 1 и став 5 од основниот договор, со кој е предвидена динамиката на исплата да се врши до најмногу 20 отсто од паричните средства за развој и подготовка на производство на проектот за играната серија „Македонија“, Илиевска склучила анекс-договор и доделила парични средства во износ од 80 отсто од вкупниот износ од 85.000.000 денари за првата сезона и донела решение и исплатила 68.000.000 денари. Притоа таа не вршела континуирана контрола, надзор на наменското трошење на исплатените средства и не водела сметка за динамиката на исполнување на обврските, односно снимањето на серијата, без осигурување на исплатените средства, со што им овозможила на Грубишиќ и на „Јадран филм“ да се стекнат со противправна имотна корист на штета на буџетот за износ од 68.000.000 денари.

Што се однесува до „Јадран филм“, спротивно на член 37 од Законот за филмската дејност, иако имале обврска 65 отсто од доделените средства наменски да ги потрошат во Македонија, во три наврати извршиле откуп на девизни средства за износ од 34.428.357 денари и ги префрлиле на фирми во Хрватска и САД, како и на сметката на „Јадран филм“, „Продакшн сервис“ ДОО Загреб, кој е оновач на „Јадран филм“ ДООЕЛ Скопје.

 

Со избегнување на следењето и трошењето на паричните средства и обезбедувањето услови за транспарентност и пристапност на парични средства доделени на „Јадран филм“, Грубишиќ без никаков надзор од Илиевска од наменската банкарска сметка 7085605-7191000010 на „Јадран филм“ – Скопје, депонент на Шпаркасе банка од Скопје, во повеќе наврати во неколку правни субјекти во странство префрлил износ од 34.428.357 денари, што претставува повеќе од 50 отсто од вкупно примените парични средства наменети за финансирање на проектот, што е спротивно на член 37 од Законот за филмот.

Конечно, во согласност со анекс-договорот 08-62/13 од 14.6.2017 година, поранешната директорка Илиевска му овозможила продолжување на рокот за завршување на првата сезона заклучно со 4.9.2017 година, меѓутоа и по истекот на овој рок, нема исполнување на обврските, образложува Управата за финансиско работење.

Во вчерашниот текст на „Макфакс“, еден од низата написи за овој скандал, беа изнесени дел од овие информации од официјалните извори. (А.В)

 

Daily news

Демонстранти во Аргентина бараа да остане во сила законот против абортус

Објавено пред

Неколку стотини луѓе протестираа поради нацрт-закон за укинување на забраната за абортус во Аргентина.

На собирот организиран со слоган „За живот“ тие го осудија нацрт-законот што неодамна е поднесен во парламентот на разгледување.

„Оваа расправа не треба да се одржи бидејќи станува збор за избор помеѓу животот и смртта“, рекоа демонстрантите што носеа плакат „Легално или илегално, абортусот убива“.

Абортусот во Аргентина е дозволен само доколку бременоста е последица на силување или го загрозува животот на жената. Годишно во оваа земја умираат 100 жени поради компликации предизвикани од нелегален прекин на бременоста.

Надлежниот одбор на парламентот ќе расправа за предлог-законот на 20 март, а два месеца подоцна и пленумот. Засега не е извесно дали овој предлог-закон ќе биде усвоен.

Прикажи повеќе...

Daily news

Притворен 23-годишен маж за нападот во Виена

Објавено пред

Австриската полиција соопшти дека притворила 23-годишен маж, осомничен за нападот со нож во Виена, при што беа повредени четири лица.

Порпаролот на полицијата, Патрик Мајерхофер, соопшти дека осомничениот бил притворен набргу кога 20-годишен маж прободен со нож бил хоспитализиран со повреди опасни за живот. Полицијата и понатаму истражува дали истото лице го нападнало и тричленото семејство што синоќа беше избодено во центарот на Виена.

Службените лица не објавија детали за идентитетот на осомничениот.

Во полициското соопштение се наведува дека сите членови на семејството, 65-годишен маж, 56-годишна мајка и нивната 17 годишна ќерка, имаат повреди опасни по живот и се одведени во болница. Нивните имиња не се наведени.

Синоќа непознат напаѓач со нож нападна семејство, по што побегна, а за време на бегството повреди уште едно лице.

Прикажи повеќе...

Daily news

Летовите до Израел ќе поминуваат низ воздушниот простор на Саудиска Арабија

Објавено пред

Авион на „Ер Индија“ денеска леташе помеѓу Њу Делхи и Тел Авив во воздушниот простор на Саудиска Арабија, со што се стави крај на 70-годишната политика на Ријад.

Саудиска Арабија, која не го признава Израел, досега не дозволуваше меѓународни летови кон Израел во саудискиот воздушен простор, но промената на оваа политика може да биде знак на одмрзнување на односите меѓу Израел и кралството, со оглед на тоа што и двете земјите ја делат загриженоста за иранското влијание во регионот.

Во понеделникот израелскиот премиер Бенјамин Нетанјаху изјави дека индиската авиокомпанија добила дозвола да прелета над Саудиска Арабија, но неговите зборови не беа првично потврдени ниту од Ријад ниту од седиштето на „Ер Индија“.

Новата воздушна линија заштедува околу два часа лет помеѓу Њу Делхи и Тел Авив, а авиокомпанијата планира да спроведува по неколку вакви летови неделно. Не е соопштено дали правото го добиле и други авиокомпании или тоа важи само за авиони на „Ер Индија“.

Прикажи повеќе...

Најново

Македонија6 часа

ЕЛЕМ: Децата на Грчев и Џафери се ангажирани оти имаа исклучителни биографии

По вработувањето на Димитар Грчев, син на архитектот Мирослав Грчев, и Бесијана Џафери, ќерка на собранискиот спикер Талат Џафери, од ЕЛЕМ за „Макфакс“...

Македонија9 часа

Мицкоски појадуваше со Могерини – „Постои сомнеж дека власта е вмешана во криминал“

Претседателот на ВМРО-ДПМНЕ, Христијан Мицкоски, денеска оствари работен појадок со високата претставничка на ЕУ за надворешна политика и безбедност, Федерика Могерини,...

Македонија10 часа

Судењето за „Насилство во Центар“ одложено за 1 јуни

Судењето за предметот „Насилство во Центар“ е прекинато и одложено за 1 јуни поради неможноста на претседателот на кривичниот суд,...

Регион10 часа

Харадинај побара од Хан визна либерализација за Косово

Косовскиот премиер, Рамуш Харадинај, побара од Европскиот комесар за проширување и добрососедство, Јоханес Хан, да ја вклучи Приштина во европскиот...

Македонија11 час

Могерини: Да се продлабочат реформите за да има позитивни вести во јуни

Високата претставничка на Европската Унија за надворешна политика, Федерика Могерини, во обраќањето пред пратениците во Собранието забележа дека треба да...

Македонија11 час

Кривична пријава за основките што претепаа соученичка во Неготино

Полицијата поднесе кривична пријава за насилство против трите ученички во основното училиште „Гоце Делчев“ во Неготино, кои истепаа своја соученичка....

Свет11 час

Трамп: Никој не е поостар од мене кон Русија

Американскиот претседател Доналд Трамп изјави дека никоја не е остар кон Русија како што е тој и порача дека на...

Македонија1 ден

(Фото) Премиерите од Западен Балкан вечераа во Скопје

Претседателот на Владата на Република Македонија, Зоран Заев, и високата претставничка за надворешни работи и безбедносна политика на ЕУ и...

Македонија1 ден

(Видео) Могерини: Може да славите половина ден, а потоа да се вратите на работа

Се вративте назад на патеката. Може да славите половина ден, а потоа да се вратите на работа. Ова го порача високата...

Македонија1 ден

(Видео) Заев: Препораката со години беше условена поради кризата и назадувањето со реформите

Македонските граѓани заслужуваат да бидат дел од Европската Унија, порача претседателот на Владата, Зоран Заев, на заедничката прес-конференција со високата...

Македонија1 ден

(Видео) ВМРО-ДПМНЕ: Позитивниот извештај од Европската комисија не е новина

„Корупцијата останува распространета во многу области и продолжува да претставува сериозен проблем. Политичкото мешање останува ризик“. „Се крие опсегот на...

Македонија1 ден

(Видео) Ахмети: Јас не сум препродавач на Бит-пазар за да давам или земам министерства

Јас не сум препродавач на Бит-пазар за да давам или земам министерства, вели Али Ахмети, одговарајќи на прашање дали ќе...

Македонија1 ден

На Јанкулоска ќе ѝ се суди одвоено за „Тенк“ поради потврдата за ризична бременост

На поранешната министерка за внатрешни работи, Гордана Јанкулоска, ќе ѝ се суди одвоено за случајот „Тенк“, кој се однесува на...

Свет1 ден

Директорот на ЦИА се сретнал со Ким Џонг-ун

Директорот на ЦИА, Мајк Помпео, отпатувал за Пјонгјанг на таен состанок со севернокорејскиот лидер Ким Џонг-ун, пренесуваат американските медиуми. Според...

Македонија1 ден

(Видео) Заев: Датум за почеток на преговорите во јуни е нашата следна цел

Безусловната препорака од Европската комисија е мотив за следната цел, а тоа е одлука за почеток на преговорите со Европската...

Македонија1 ден

Уапсен Фејзи Азири обвинет во случајот „Монструм”

Фејзи Азири, кој е еден од обвинетите во случајот „Монструм“, вчера бил пронајден и уапсен со правосилна судска пресуда за...

Македонија1 ден

(Видео) Хан: Македонија се врати на европскиот пат, но има уште многу да се работи

Македонија се врати на европскиот пат, но има уште многу да се работи, изјави еврокомесарот Јоханес Хан на заедничката прес-конференција...

Македонија1 ден

Во кривичниот суд продолжуваат судењата за „Тенк“ и „Тарифа“

Во кривичниот суд денеска се очекува да продолжат судењата за предметите „Тенк“ и „Тарифа“ на специјалното јавно обвинителство. Во денешното...

Македонија2 дена

Откриени 38 мигранти во комбе кај тунелите кај Демир Капија

Триесет и осум мигранти биле откриени вчера на регионалниот пат Гевгелија-Скопје во товарно моторно возило „форд транзит“ во близина на базата...

Македонија2 дена

Хан и Могерини денеска во Скопје

Денеска во официјална посета на Република Македонија пристигнува делегација на Европската Унија предводена од комесарот за европска соседска политика и...

Досие