Висока шпанска политичарка поднесе оставка заради корупциски скандал

Високо позиционирана членка на шпанската владејачка Народна партија, Есперанза Агуире, поднесе во понеделник оставка на местото пратеничка во градското Собрание на Мадрид и од местото партиски портпарол по избивањето на корупциски скандал во кој нејзината десна рака Игнасио Гонзалес заврши во затвор.

„Судската одлука и неговото затворање не се докази против него, но покажуваат дека јас не контролирав сè што требаше и заради тоа давам оставка на политичките функции“, изјави 65 годишната Агуире.

Гонзалес, кој беше претседател на покраината Мадрид од 2012 до 2015 година, е уапсен минатата недела по сомнение дека го користел јавното водоводно претпријатие за илегално финансирање на партијата и лична полза.

Агуире во тоа време беше претседател на Народната партија во Мадрид. /крај/хн/ст