Две лица загинаа во тепачка пред биралиште во Турција

Тепачката избила пред бирачко место во провинцијата Дијарбакир, во југоисточна Турција.

Како што пренесуваат турските медиуми, судирот меѓу две семејства се случил во дворот на селско училиште каде што се гласа на денешниот референдум за уставните промени, кои треба да му обезбедат „султански“ овластувања на актуелниот претседател Реџеп Таип Ердоган.
Агенцијата „Доган“ наведува дека причината за тепачката било „несогласување во политичките ставови“. Две лица се уапсени во врска со инцидентот, а едно лице со повреди е пренесено во болница. крај/мф