Контакт

Daily news

(ВИДЕО) Затвореници и чувари препишуваат терапии и лекуваат во македонските затвори

Објавено пред

Во време на крупни политички промени воопшто не е чудно што една вест помина речиси незабележливо. Владата на Република Македонија се согласила да му исплати отштета во износ од 9.000 евра на семејството на еден Ром кој почина во затвор во сомнителни околности.

Исплатата е дел од вонсудската спогодба која беше објавена на 16 јуни 2017 година и со која се става крај на предметот против Македонија кој се водеше пред Европскиот суд за човекови права во Стразбур уште од 2014 година.

Ова е само еден од случаите што го отвора прашањето за здравствената заштита во затворите. Колку системот на здравствена заштита е ефикасен и достапен? Колку се оправдани сѐ поголемите сомнежи во јавноста дека поради задоцнета реакција и ненавремена здравствена помош на осудените и притворени лица  во затворите се умира. А затворските власти ги евидентираат овие случаи како природна смрт или се обидуваат да ги минимизираат.

„Макфакс“ истражуваше на оваа тема и дојде до шокантни сознанија што се случува во затворите. Повеќе соговорници со кои разговаравме ни потврдија дека чуварите им делат терапија на затворениците и на притворениците и ги распознаваат по боја и форма. Од нивната процена зависи дали и кога ќе биде повикана брзата помош. Најскандалозни работи се случуваат во женското оддделение на најголемиот затвор во државата, каде што затвореничка осудена за наркотици дели терапија, па дури и прави коктели од лекови по свое наоѓање.

Каква е сегашната ситуација во затворите? Ова е сведоштво на еден од затворениците кои во моментот се наоѓаат на издржување неколкугодишна казна во најголемиот македонски затвор во Идризово.

Новинарот Томислав Кежаровски пред четири години помина осум месеци во притвор во истражниот затвор во Шутка. Од прва рака говори што се случува зад затворени врати. Тоа беше повод и самиот да се ангажира и да почне проект кој ќе се занимава токму со прашањата за здравствена заштита.
Во согласностс со Законот за здравственото осигурување предвидено е задолжително осигурување на лицата што се на издржување затворска казна. Но, и покрај ваквите одредби, тимот на националниот превентивен механизам на народниот правобранител утврдил дека ниту едно од осудените лица не е осигурирано како лице,кое е на издржување затворска казна.

Со измените и дополнувањето на Законот за извршување на санкциите од 6 декември 2013 годин предвидено е здравствените услуги во казнено-поправните установи да ги извршуваат здравствените работници вработени во јавните здравстени установи што вршат примарна здравствена заштита во мрежата на здравствените установи, на чие подрачје се наоѓа седиштето на установата.
Тимот на народниот правобранител дошол до заклучок дека е прекршен и куќниот ред на затворите, кој предвидува задолжителен медицински прием при приемот во установата. Ова е директно непочитување на одредбите од куќниот ред, кои предвидуваат дека при прием на лице во установата се врши прием во рок од 24 часа. Но, во исто време и во спротивност со стандардите на Европскиот комитет за спречување тортура.

Од Управата за извршување сакнции не добивме одговори на нашите прашања поврзани со здравствената заштита на затворениците, а особено за тоа зошто затворениците не се осигурани, иако е тоа законска обврска, како и колку неефикасната здравствена заштита може да биде фатална за животот на затворениците.

Директорката Лидија Гавриловска во кусиот телефонски разговор побара прашањата да ѝ бидат испратени на службениот имејл. Но, и по повеќе од две недели таа не одговори на поставените прашања, а од нејзината секретарка ни беше кажено дека е на годишен одмор.

Според податоците објавени во медиумите, од 2008 до 2016 година починале 71 лице. А само од почетокот на оваа година досега 7 лица. Од Управата тврдеа дека сите починале од природна смрт.
На листата на Советот на Европа за смртноста во затворите Македонија е високорангирана со 45,7 починати на 10.000 лица, што е над европскиот просек, кој изнесува 31,3 лице.
Одговор побаравме и од Министерството за здравство.

Во писмениот одговор ни беше кажано дека се фактурираат само услугите за лекување на лицата со изречена мерка лекување и чување во здравствена установа.

Средствата за оваа намена се обезбедуваат со Програмата за здравствена заштита на лицата со душевни растројства, која се донесува секоја година, а за годинава ставката за оваа намена изнесува 36,7 милиони денари. По потреба се обезбедуваат и дополнителни средства за оваа намена.

Министерството за здравство обезбедува и метадон и бупренорфин за сите лица со болести на зависност во затворите и казнено-поправните установи во државата.

Фактурирањето на здравствените услуги дадени на секундарно и терциерно ниво е во надлежност на Управата за извршување санкции имајќи предвид дека тие трошоци се дел од буџетите на казнено-поправните установи и затворите.

Осудените и притворените лица во согласност со Законот за здравственото осигурување се задолжително здравствено осигурани и во согласностс со Законот придонесот е на товар на Управата за извршување санкции.

Искуствата од теренот, но и фактите на народниот правобранител, го покажуваат спротивното.
Премногу материјал со кој треба да се занимаваат новите македонски власти во наредниот период, но и затворската управа. Бидејќи сликата за тоа колку една држава е демократска и ги почитува човековите права и слободата се гледа и низ призмата за состојбата на затворите. А нашата слика е прилично искривена и заматена.

Гордана Дувњак



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија32 минути

Најмногу новозаразени скопјани денеска има во Чаир и Бутел

Денеска во Скопје се регистрирани 24 нови случаи на ковид-19, од кои најмногу во Чаир и Бутел. Имено, од Чаир...

Македонија52 минути

Потврдени 62 нови случаи на ковид 19, починаа 2 лица

Министерството за здравство информира дека денеска Институтот за јавно здравје регистрирал 62 нови случаи на ковид-19, а починале 2 лица....

Македонија60 минути

Мухамед Зекири е позитивен на коронавирус

Потпрестедателот на СДСМ Мухамед Зекири на социјалните мрежи објави дека е позитивен на коронавирусот. Зекири информира дека позитивни на коронавирус...

Македонија2 часа

(Видео) Спасовски: По сила на закон изборите ќе се одржат на 5 јули

По сила на закон изборите се на истекот од 22 дена по завршувањето на вонредната состојба, што значи дека ќе...

Свет4 часа

(Видео) Маск за лансирањето: Преплавен сум со емоции, тешко е да се зборува

Елон Маск не можел да опише како се чувствува откако неговиот SpaceX во соработка со НАСА прв пат испрати астронаути...

Македонија4 часа

Во ладилник кај Миравци пронајдени над 100 мигранти, приведен е жител на Косово

Синоќа на автопатот Гевгелија – Демир Капија, кај клучката Миравци, при преглед во товарното возило „сканија“ и ладилник со скопски...

Свет4 часа

(Видео) Немири на протестите во САД, полицијата со возило туркала луѓе

Во 25 градови ширум САД воведен е полициски час по протестите за убиството на Афроамериканецот Џорџ Флојд, кој беше задавен...

Македонија5 часа

Казнети 673 лица за неносење на маска

Во текот на изминатото деноноќие на територија на целата држава, по однос на уредбата за носење на лична заштита на...

Македонија5 часа

Почнува четвртата вонредна состојба

Почнува четвртата вонредна состојба што претседателот Стево Пендаровски ја прогласи вчера по состанокот на Советот за безбедност. Вонредната состојба ќе...

Македонија22 часа

Со полиција ќе се земаат анкети од семејството на починатиот од Ковид-19, на чиј погреб имало 200 луѓе

Министерството за здравство во соработка со Центарот за јавно здравје Скопје, а под асистенција на Министерството за внатрешни работи, денеска...

Македонија22 часа

И денеска Чаир, Бутел и Сарај имаат најмногу заразени

Од денешните 22 случаи на заразени со коронавирус во Скопје, најмногу се од Чаир, Бутел и Сарај. Според податоците, Чаир има...

Македонија23 часа

Протокол за градинките: Децата да држат растојание, за секое дете да се обезбедат 2 постелнини

Владата денеска на седница го усвои протоколот за активности во установите за згрижување и воспитание на деца по престанување на...

Македонија1 ден

Спасовски бара избори пред есен, поради најавите на СЗО за втор бран на коронавирусот

Техничкиот премиер Оливер Спасовски по состанокот на Советот за безбедност посочи дека институциите мора да превземат одговорност и за парламентарните...

Македонија1 ден

Потврдени се 35 новозаразени, а починаа уште 5 лица меѓу кои и бебето кое беше испратено во Швајцарија

Денеска се потврдени 35 нови случаи на ковид 19, а починати се 5 лица, информираат од Министерството за здравство. На...

Македонија1 ден

Пендаровски прогласи нова вонредна состојба од 14 дена

Претседателот Стево Пендаровски по состанокот кој го имаше со Советот за безбедност, одлучи да прогласи нова вонредната состојба, четвртта по...

Македонија1 ден

Откако беше разрешен, реисот поднесува оставка: „Спремен сум да одговарам пред Бога и пред законот“

Откако пред неколку дена беше разрешен, поранешниот реис на ИВЗ Сулејман Реџепи преку соопштение пишува дека дава неотповиклива оставка од...

Свет1 ден

Бројот на заразени со коронавирусот во светот надмина шест милиони

Бројот на заразени со коронавирусот во светот надмина шест милиони. Со коронавирусот се заразени 6.035.071 луѓе, 366.913 починале, а 2.66.658...

Македонија1 ден

Чулев законски делел решенија во МВР, Управниот суд утврди дека Владата погрешно ги поништила

Управниот Суд на седница одржана на 7 мај донесе пресуда со која тужбата на тужителот Министерство за внатрешни работи застапувано...

Македонија1 ден

Oд Македонија и Филипините биле објавувани теории на заговор поврзани со коронавирусот, соопшти „Фејсбук“

Еден од најголемите дезинформатори за коронавирусот на Фејсбук е забранет од платформата поради користење т.н. Трол-фарми од Македонија и Филипините,...

Македонија1 ден

На 264 лица издадени им се решенија за изолација

Во текот на изминатото деноноќие,  на 264 лица им се издадени решенија за изолација, а 52 лица потпишале изјави за...

Досие